കോട്ടയം ജില്ലയിൽ ഗ്രാമീണ ടൂറിസത്തിന് 'ഏറ്റവും കൂടുതൽ സാധ്യതയും പ്രാധാന്യമുള്ള കടനാട് പഞ്ചായത്തിൽ ' ഹാപ്പിനസ് പാർക്ക് നടപ്പാക്കാത്തതിൽ പ്രതിഷേധമുയരുന്നു.
ചരിത്ര പ്രസിദ്ധമായ കടനാട് ഫൊറോന പള്ളിയുടെ മുൻ ഭാഗത്ത് കൂടി ഒഴുകുന്ന കടനാട് ചെക്കു ഡാമിൻ്റെ ഇരുകരകളും ദൃശ്യമനോഹര കാഴ്ചകയുള്ള പ്രദേശമാണ്. ഇവിടെ ഹാപ്പിനസ് പാർക്ക് നിർമിക്കണമെന്നാണ് നാട്ടുകാരുടെ കൂട്ടായ ആവശ്യം. മൂന്നു ചെക്കു ഡാമുകൾ തെട്ടടുത്തുള്ള ഏക പ്രദേശമാണ് കടനാട്'.
വേനൽകാലത്തും രണ്ടു കിലോമീറ്ററോളം ദൂരത്തിൽ വെള്ളം സംഭരിച്ചു നിർത്താൻ ശേഷിയുള്ള ചെക്കു ഡാമുകളാണ് ഇവിടെയുള്ളത്. ഈ ചെക്കു ഡാമിൻ്റെ കരകളിൽ ഫലവൃക്ഷങ്ങൾ നിറഞ്ഞുനില്ക്കുന്ന സ്ഥലത്ത് പാർക്ക് നിർമിക്കണമെന്നതാണ് ഹാപ്പിനസ് പാർക്ക് സംരക്ഷണ സമിതിയുടെ ആവശ്യം.
കേരളത്തിലെ മേജർ ഇറിഗേഷൻ്റെ ആദ്യത്തെ ചെക്കു ഡാമാണ് ഇത്. ഈ ചെക്കു സാമിലാണ് ജനശ്രദ്ധ ആകർഷിച്ച കുട്ടവഞ്ചി ജലോത്സവം സംഘടിപ്പിച്ചത്.
ഇത്തരത്തിൽ അനന്തസാധ്യതകൾ ഏറെയുള്ള ഈ പ്രദേശത്തോടുള്ള അധികൃതരുടെ അവഗണനയ്ക്കെതിരേയുള്ളപ്രതിഷേധം ശക്തമാവുകയാണ്. ഗവൺമെൻ്റ് നിർദേശം അവഗണിച്ച് ഹാപ്പിനസ് പാർക്ക് നടപ്പാക്കിയില്ലെങ്കിൽ പ്രത്യക്ഷസമരപരിപാടികളിലേക്ക് നീങ്ങുവാനാണ് സംരക്ഷരണ സമിതിയുടെ തീരുമാനം. ഈ ചെക്കു ഡാമിലാണ് ഫയർ ഫോഴ്സിൻ്റെ സിവിൽ ഡിഫൻ്റ്സിൻ്റെ പരിശീലന പരിപാടികൾ നടന്നത്.
സംരക്ഷണ സമിതി പ്രസിഡൻ്റ് ജോണി അഴകൻപറമ്പിലിൻ്റെ അധ്യക്ഷതയിൽ നടന്ന യോഗത്തിൽ ബിനു വള്ളോം പുരയിടം, സിബി അഴകൻ പറമ്പിൽ, സാംകുമാർ കൊല്ലപ്പള്ളിൽ, റോക്കി ഒറ്റപ്ലാക്കൽ, സന്തോഷ് വഞ്ചിക്കച്ചാലിൽ, ജോയൽ കണ്ണഞ്ചിറ,ടോമി അരീപ്പറമ്പിൽ, സജി വഞ്ചിക്കച്ചാലിൽ, ഷിജു സ്കറിയ, തോമസ് കൊച്ചെട്ടൊന്നിൽ തുടങ്ങിയവർ പ്രസംഗിച്ചു.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
.jpg)
0 Comments