കണ്ണൂരില്‍ കാറുകള്‍ കൂട്ടിയിടിച്ച്‌ അപകടം; മാപ്പിളപ്പാട്ട് കലാകാരൻ മരിച്ചു

 കണ്ണൂരില്‍ വാഹനാപകടത്തില്‍പ്പെട്ട മാപ്പിളപ്പാട്ട് കലാകാരന് ദാരുണാന്ത്യം. ഉളിയില്‍ സ്വദേശി ഫൈജാസാണ് മരിച്ചത്. ഇരിട്ടി പുന്നാട് കാറുകള്‍ തമ്മില്‍ കൂട്ടിയിടിയിച്ചാണ് അപകടം. നിരവധി മാപ്പിളപ്പാട്ട് ആല്‍ബങ്ങളിലടക്കം പാടിയിട്ടുള്ള ഗായകനാണ് ഫൈജാസ്.  കഴിഞ്ഞദിവസം അർധരാത്രി 12 മണിയോടെയാണ് അപകടമുണ്ടായത്. 

ഫൈജാസ് സഞ്ചരിച്ച കാറും മറ്റൊരു കാറും തമ്മില്‍ കൂട്ടിയിടിക്കുകയായിരുന്നു. ഇരിട്ടി-മട്ടന്നൂർ റോഡിലെ കീഴൂർകുന്നിന് സമീപത്തെ പുന്നാട് ഇറക്കത്തില്‍ വച്ചാണ് സംഭവം. ഇടിയുടെ ആഘാതത്തില്‍ ഫൈജാസിന്റെ കാർ പൂർണമായി തകർന്നു.

കാറിനുള്ളില്‍ കുടുങ്ങിയ ഫൈജാസിനെ ഫയർഫോഴ്‌സെത്തി ഡോർ വെട്ടിപ്പൊളിച്ചാണ് പുറത്തെടുത്തത്. ഉടൻ തന്നെ ആശുപത്രിയിലേക്ക് എത്തിച്ചെങ്കിലും രക്ഷിക്കാൻ കഴിഞ്ഞില്ല. അതേസമയം കൂട്ടിയിടിച്ച കാറിലെ യാത്രക്കാർക്ക് സാരമായ പരിക്കുകളില്ല. 

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34