"പ്രണയിക്കാം ശുദ്ധജലത്തെ ...അകറ്റാം അർബുദത്തെ "ജൽ ജീവൻ മിഷൻ കലാജാഥ നടത്തി.

"പ്രണയിക്കാം ശുദ്ധജലത്തെ ...അകറ്റാം അർബുദത്തെ "ജൽ ജീവൻ മിഷൻ കലാജാഥ നടത്തി.  

 രാജ്യവ്യാപകമായി എല്ലാ ഗ്രാമീണ വീടുകളിലും ശുദ്ധമായ കുടിവെള്ളം പൈപ്പു കണക്ഷനിലൂടെ ലഭ്യമാക്കുവാൻ കേന്ദ്ര,സംസ്ഥാന സർക്കാരുകൾ സംയുക്‌തമായി ഗ്രാമ പഞ്ചായത്തിൽ നടപ്പിലാക്കുന്ന ജൽ ജീവൻ മിഷൻ്റെ സന്ദേശം പൊതുജനങ്ങളിലെത്തിക്കുന്നതിനായി കിടങ്ങൂർ ഗ്രാമപഞ്ചായത്തിൽ     പാലാ സോഷ്യൽ വെൽഫെയർ സൊസൈറ്റി   "പ്രണയിക്കാം ശുദ്ധജലത്തെ അകറ്റാം അർബുദത്തെ " എന്ന മുദ്രാവാക്യവുമായി ചേർപ്പുങ്കൽ ബി.വി.എം കോളജ് സോഷ്യൽവർക്ക് ഡിപ്പാർട്ടുമെൻ്റിൻ്റെ സഹകരണത്തോടെ പഞ്ചായത്തിലെ വിവിധ കേന്ദ്രങ്ങളിൽ ഫ്ലാഷ് മോബും സ്ട്രീറ്റ് പ്ലേയും ഉൾപ്പെടെയുള്ള കലാജാഥയും റാലിയും   സംഘടിപ്പിച്ചു. 

രാവിലെ ഒൻപതരയ്ക്ക് ചേർപ്പുങ്കൽ ഹൈസ്കൂൾ അങ്കണത്തിൽ  കലാജാഥയുടെ ഉദ്ഘാടനം ബി.വി.എം കോളജ് പ്രിൻസിപ്പൽ റവ.ഡോ. ബേബി സെബാസ്റ്റ്യൻ തോണിക്കുഴി ജൽ ജീവൻ മിഷൻ പ്രോജക്‌ട് ഓഫീസർ ഷീബാ ബെന്നിക്ക് ജെ.ജെ.എം ഫ്ലാഗ് കൈമാറിക്കൊണ്ട് നിർവ്വഹിച്ചു. പാലാ സോഷ്യൽ വെൽഫെയർ സൊസൈറ്റിയുടെ ഡയറക്ടർ ഇൻ ചാർജ് റവ.ഫാ.ഇമ്മാനുവൽ കാഞ്ഞിരത്തുങ്കൽ അദ്ധ്യക്ഷത വഹിച്ചു. 

 ഗ്രാമപഞ്ചായത്ത് മെമ്പർമാരായ ബോബിച്ചൻ മാത്യു, മിനി ജറോം, സുനി അശോക്, ഹോളി ക്രോസ് ഹയർ സെക്കണ്ടറി സ്കൂൾ പ്രിൻസിപ്പൽ റവ. ഫാ. മാത്യു കുറ്റിയാങ്കൽ, ഹൈസ്കൂൾ ഹെഡ്മാസ്റ്റർ ഷാജി ജോസഫ് വില്ലൻ കല്ലുങ്കൽ, ഐ.എസ്.എ പ്ലാറ്റ്ഫോം സംസ്ഥാന വൈസ് ചെയർമാൻ ഡാൻ്റീസ്‌ കൂനാനിക്കൽ, പി.എസ്.ഡബ്ലിയു.എസ് പ്രോജക്ട് ഓഫീസർ മെർളി ജയിംസ് തുടങ്ങിയവർ പ്രസംഗിച്ചു.   പതിനൊന്ന് മണിക്ക് കിടങ്ങൂർ ബസ്‌വേ സ്റ്റാൻ്റിൽ കലാ ജാഥയ്ക്ക്  ബ്ലോക്കു പഞ്ചായത്തംഗം പ്രൊഫ. മേഴ്സി ജോൺ, ഗ്രാമപഞ്ചായത്ത് വൈസ് പ്രസിഡൻ്റ് രശ്മി രാജേഷ്, പഞ്ചായത്തംഗങ്ങളായ  ലൈസമ്മ ജോർജ്,  കുഞ്ഞുമോൾ റ്റോമി എന്നിവരുടെ നേതൃത്വത്തിൽ സ്വീകരണം നൽകി. 

ഉച്ചയ്ക്ക് പന്ത്രണ്ടിന് കിടങ്ങൂർ അമ്പലം ജംഗ്ഷനിൽ ഫ്ലാഷ് മോബിൻ്റെ ഉദ്ഘാടനം ഗ്രാമ പഞ്ചായത്ത് സ്റ്റാൻ്റിങ്ങ് കമ്മറ്റി ചെയർമാൻ സനിൽകുമാർ നിർവ്വഹിച്ചു. ബ്ലോക്കു പഞ്ചായത്തംഗം  അശോക് കുമാർ പൂതമന അദ്ധ്യക്ഷത വഹിച്ചു.  കിടങ്ങൂർ ഗവ. യു.പി.സ്കൂൾ ജംഗ്ഷനിൽ ഫ്ലാഷ് മോബിൻ്റെ ഉദ്ഘാടനം പഞ്ചായത്ത് വൈസ് പ്രസിഡൻ്റ് രശ്മി രാജേഷ് നിർവ്വഹിച്ചു. സ്റ്റാൻ്റിങ്ങ് കമ്മറ്റി ചെയർമാൻ സനിൽ കുമാർ അദ്ധ്യക്ഷത വഹിച്ചു.  

കൂടല്ലൂർ ജംഗ്ഷനിൽ ഫ്ലാഷ്മോബിൻ്റെ ഉദ്ഘാടനം പഞ്ചായത്തംഗം ടീനാ മാളിയേക്കൽ നിർവ്വഹിച്ചു. പാലാ സോഷ്യൽ വെൽഫെയർ സൊസൈറ്റിയുടെ ജൽ ജീവൻ മിഷൻ പ്രോജക്ട് മാനേജർ  ഡാൻ്റീസ് കൂനാനിക്കൽ അദ്ധ്യക്ഷത വഹിച്ചു. ബി.വി.എം കോളജ് സോഷ്യൽ വർക്ക് ഡിപ്പാർട്ട്മെൻ്റ് മേധാവി ദീപാ ബാബു , പ്രോഗ്രാം ഇൻ ചാർജ് ബ്രിസ്റ്റോ മാത്യു, പാലാ സോഷ്യൽ വെൽഫെയർ സൊസൈറ്റിയുടെ

  പ്രോജക്ട് ഓഫീസർമാരായ പി.വി. ജോർജ് പുരയിടം,  സി.എസ്. ഉല്ലാസ് , സെബാസ്റ്റ്യൻ ആരുച്ചേരിൽ, ഷീബാ ബെന്നി, എബിൻ ജോയി, അനുസാബു തുടങ്ങിയവർ പരിപാടികൾക്കു നേതൃത്വം കൊടുത്തു. കിടങ്ങൂർ ഗ്രാമ പഞ്ചായത്തിൽ അൻപത്തിയഞ്ചു കോടിയുടെ കുടിവെള്ള വിതരണ പദ്ധതികളാണ് ജൽ ജീവൻ മിഷൻ്റെ ഭാഗമാ യി കേരള വാട്ടർ അതോറിറ്റി നടപ്പിലാക്കുന്നത്.

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34