സിനിമ ഷൂട്ടിങ്ങിനിടയിൽ 9 വയസ്സുകാരിയായ ബാലതാരത്തെ ക്രൂരമായി പീഡിപ്പിച്ച കേസിൽ കോട്ടയം കടയിനിക്കാട് സ്വദേശിയായ സിനിമ സീരിയൽ താരത്തിനു 136 വർഷം കഠിനതടവും,1,97,500/- രൂപ പിഴയും

Yes Vartha Editor February 18, 2025

സിനിമ ഷൂട്ടിങ്ങിനിടയിൽ ഷൂട്ടിങ്ങിനായി വാടകയ്ക്ക് എടുത്ത വീട്ടിൽ വെച്ച് സിനിമയിൽ അഭിനയിക്കാൻ എത്തിയ 9 വയസ്സുകാരിയായ ബാലതാരത്തെ ക്രൂരമായി

പീഡിപ്പിച്ച കേസിൽ സിനിമ,സീരിയൽ താരമായ കോട്ടയം

ജില്ലയിൽ കങ്ങഴ വില്ലേജിൽ കടയിനിക്കാട് P. O യിൽ കോണേക്കടവ് ഭാഗത്തു മടുക്കക്കുഴി വീട്ടിൽ കുരുവിള വർഗീസ് മകൻ 52 വയസ്സുള്ള റെജി. M. K.എന്നയാളെ 136 വർഷം കഠിന തടവിനും 1,97,500/- രൂപ പിഴയും ബഹുമാനപ്പെട്ട ഈരാറ്റുപേട്ട ഫാസ്റ്റ് ട്രാക്ക് സ്പെഷ്യൽ കോടതി (POCSO) ജഡ്ജ് ശ്രീമതി. റോഷൻ തോമസ് വിധിച്ചു .

പ്രതി പിഴ അടച്ചാൽ അതിൽ 1,75,000/- രൂപ അതിജീവിതയ്ക്ക് നൽകുന്നതിനുംഉത്തരവായിട്ടുണ്ട്. ശിക്ഷ ഒരുമിച്ച് അനുഭവിച്ചാൽ മതി.ഇന്ത്യൻശിക്ഷാനിയമത്തിലെയും,പോക്സോ നിയമത്തിലെയും വിവിധ വകുപ്പുകൾ പ്രകാരവുമാണ് ശിക്ഷ വിധിച്ചത്. 31/5/2023 ൽ ആണ് കേസിനു ആസ്പദമായ സംഭവം നടന്നത്.

ചങ്ങനാശ്ശേരി SHO ആയിരുന്ന റിച്ചാർഡ് വർഗീസ് പ്രതിക്കെതിരെ കേസ് രജിസ്റ്റർ ചെയ്തു ആദ്യ അന്വേഷണം നടത്തിയ കേസിൽ തിടനാട് SHO ആയ P. G. രാജേഷ് തുടരന്വേഷണം നടത്തി പ്രതിയെ അറസ്റ്റ് ചെയ്യുകയും, തുടർന്നുള്ള അന്വേഷണം മേലുകാവ് SHO ആയിരുന്ന രഞ്ജിത്. K. വിശ്വനാഥൻ നടത്തുകയും, തുടർന്ന്

തിടനാട് പോലീസ് സ്റ്റേഷൻ SHO പ്രശോഭ്. K. K.യാണ് അന്വേഷണം പൂർത്തിയാക്കി പ്രതിയുടെ പേരിൽ കുറ്റപത്രം തയ്യാറാക്കി കോടതിയിൽ സമർപ്പിച്ചത്.

പ്രോസിക്യൂഷൻ ഭാഗത്തുനിന്നും 39 സാക്ഷികളെയും 36 പ്രമാണങ്ങളും ഹാജരാക്കിയ കേസിൽ പ്രോസിക്യൂഷന് വേണ്ടി സ്പെഷ്യൽ പബ്ലിക് പ്രോസിക്കുട്ടർ Adv. ജോസ് മാത്യു തയ്യിൽ ഹാജരായി.