പാലാ കരൂർ അന്ത്യാളത്ത് മരുമകൻ അമ്മായിഅമ്മയെ പെട്രോൾ ഒഴിച്ച് കത്തിച്ചു ..... നാടിനെ നടുക്കിയ സംഭവം ഇന്ന് രാത്രി 8.15 ഓടെ .....ഇരുവർക്കും സാരമായി പൊള്ളലേറ്റു

പാലാ കരൂർ അന്ത്യാളത്ത്  മരുമകൻ അമ്മായിഅമ്മയെ പെട്രോൾ ഒഴിച്ച് കത്തിച്ചു ..... നാടിനെ നടുക്കിയ സംഭവം ഇന്ന് രാത്രി 8.15 ഓടെ .....ഇരുവർക്കും സാരമായി പൊള്ളലേറ്റു

സ്വന്തം ലേഖകൻ

കുടുംബ വഴക്കിനെ തുടർന്നാണ് ഈ ക്രൂരകൃത്യം നടന്നതെന്ന് പാലാ പൊലീസ് പറഞ്ഞു. പാലാ ഡിവൈ. എസ്. പി. കെ. സദൻ , സി.ഐ. ജോബിൻ ആൻ്റണി എന്നിവർ സ്ഥലത്തെത്തി അന്വേഷണം ആരംഭിച്ചു. 

അന്ത്യാളം പരവൻപറമ്പിൽ സോമരാജന്റെ ഭാര്യ നിർമ്മല (58) യെയാണ് മരുമകൻ കരിങ്കുന്നം കൊന്നയ്ക്കൽ   മനോജ് (42) പെട്രോൾ ഒഴിച്ച് തീ കൊളുത്തി കൊലപ്പെടുത്താൻ ശ്രമിച്ചത്. മനോജിന് എതിരെ വീട്ടുകാർ മുമ്പ് പോലീസിൽ പരാതി നൽകിയിരുന്നു. മനോജിന്റെ ഭാര്യ ജോലിക്ക് പോകുന്നത് സംബന്ധിച്ച് തർക്കവും വഴക്കും ഉണ്ടായിരുന്നതായി ബന്ധുക്കൾ പറഞ്ഞു. 

6 വയസ്സുകാരൻ മകനുമായി ഭാര്യാ വീട്ടിലെത്തിയ മനോജ് ഭാര്യ മാതാവിൻ്റെയും സ്വന്തം ദേഹത്തും കയ്യിൽ കരുതിയിരുന്ന പെട്രോൾ ഒഴിച്ച് തീ കൊളുത്തുകയായിരുന്നു. ബഹളം കേട്ട് ഓടിക്കൂടിയ നാട്ടുകാരാണ് പാലാ അഗ്നിരക്ഷാ സേനയേയും പൊലീസിനെയും വിവരം അറിയിച്ചത്. 

അഗ്നിരക്ഷാ സംഘം സ്ഥലത്തെത്തി നാട്ടുകാരുടെ സഹായത്തോടെ ഇരുവരെയും ആദ്യം പാലാ ജനറൽ ആശുപത്രിയിലും പിന്നീട്  കോട്ടയം മെഡിക്കൽ കോളേജ് ആശുപത്രിയിലും എത്തിച്ചു

. . സംഭവ സമയത്ത് സോമരാജൻ വീട്ടിലുണ്ടായിരുന്നില്ല

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34