ഭരണങ്ങാനം ടൗണിൽ ഗതാഗത നിയന്ത്രണം....... ഫെബ്രുവരി 15 മുതൽ നടപ്പാക്കും

Yes Vartha Editor February 08, 2025

ഭരണങ്ങാനം ടൗണിൽ ഗതാഗത നിയന്ത്രണം....... ഫെബ്രുവരി 15 മുതൽ നടപ്പാക്കും

ഭരണങ്ങാനം ടൗണിൽ നിരന്തരം ഉണ്ടാകുന്ന വാഹനാപകടങ്ങൾകുറയ്ക്കുന്നതിനും ട്രാഫിക് ബ്ലോക്ക് ഒഴിവാക്കുന്നതിനും നടപടി സ്വീകരിക്കുന്നത് സംബന്ധിച്ച് കോട്ടയം ജില്ലാ പഞ്ചായത്ത് അംഗം . രാജേഷ് വാളി പ്ലാക്കൽ മീനച്ചിൽ താലൂക്ക് തല കരുതലും കൈത്താങ്ങും അദാലത്തിൽ സമർപ്പിച്ച പരാതിയുടെ അടിസ്ഥാനത്തിൽ പാലാ ആർ.ഡി.ഒയുടെ അധ്യക്ഷതയിൽ യോഗം ചേർന്ന് ഭരണങ്ങാനം ടൗണിൽ ഗതാഗത നിയന്ത്രണം പരീക്ഷണ അടിസ്ഥാനത്തിൽ ഒരു മാസക്കാലത്തേക്ക് നടപ്പിലാക്കാൻ തീരുമാനിച്ചു .

രാജേഷ് വാളിപ്ളാക്കൽ ആർ. റ്റി.ഒ പാലാ, ഡി.വൈ.എസ്.പി പാല, മോട്ടോർ വെഹിക്കിൾ ഇൻസ്പെക്ടർ പാലാ, തഹസിൽദാർ മീനച്ചിൽ, ഭരണങ്ങാനം ഗ്രാമപഞ്ചായത്ത് സെക്രട്ടറി, വ്യാപാരി വ്യവസായി പ്രതിനിധി തുടങ്ങിയവർ പങ്കെടുത്ത യോഗത്തിലാണ് പരീക്ഷണാടിസ്ഥാനത്തിൽ ഗതാഗത നിയന്ത്രണം ഏർപ്പെടുത്താൻ തീരുമാനിച്ചത്.

ഗതാഗത നിയന്ത്രണം 2025 ഫെബ്രുവരി പതിനഞ്ചാം തീയതി മുതൽ നടപ്പിലാക്കും.

യോഗ തീരുമാനങ്ങൾ -

1.പാലാ ഭാഗത്ത് നിന്നും ഈരാറ്റുപേട്ട ഭാഗത്തേക്ക് പോകുന്ന ബസ്സുകൾക്ക് ഭരണങ്ങാനം അൽഫോൻസ തീർത്ഥാടന കേന്ദ്രത്തിൻ്റെപ്രധാന റോഡിനു മുൻവശത്തും (നിലവിലുള്ളത്) ടൗണിൽ നിലവിലുള്ള ബസ്റ്റോപ്പ് 100 മീറ്റർ മുന്നോട്ടു മാറി പഴയ മിനി സ്റ്റേഡിയത്തിന് എതിർവശത്തും സ്റ്റോപ്പുകൾ സ്ഥാപിക്കും.

2. ഈരാറ്റുപേട്ട ഭാഗത്തുനിന്നും പാലാ ഭാഗത്തേക്ക് പോകുന്ന ബസ്സുകൾക്ക് നിലവിലുള്ള ബസ്റ്റോപ്പിൽ നിന്നും 30 മീറ്റർ മുന്നോട്ടു മാറി സൗത്ത് ഇന്ത്യൻ ബാങ്കിന് മുൻവശത്ത് ബസ് സ്റ്റോപ്പ്അനുവദിക്കും.

3. ചൂണ്ടച്ചേരി റോഡ് ആരംഭിക്കുന്ന ഭാഗത്തുള്ള ഓട്ടോറിക്ഷ പാർക്കിംഗ് ഒഴിവാക്കും. ഭരണങ്ങാനം ടൗണിൽ നിലവിൽ ഉള്ളസേക്രട്ട് ഹാർട്ട് ഹൈസ്കൂളിന് മുൻപിലുള്ള ഓട്ടോറിക്ഷ പാർക്കിംഗ് എണ്ണം നിയന്ത്രിക്കും.

4.ഹൈവേയിലേക്ക് വരുന്ന റോഡുകളിൽ കോൺവെക്സ് മിറർ, റം ബിൾ സ്ട്രിപ്പ് എന്നിവ സ്ഥാപിക്കും. 5.നോ പാർക്കിംഗ് ബോർഡുകൾ ,സീബ്ര കോസിങ്ങ് ലൈനുകൾ ഹാൻഡ് റെയിലുകൾ എന്നിവ സ്ഥാപിക്കും. 6. സ്പീഡ് ലിമിറ്റ് ചെയ്യുന്നതിന് എ.ഐ ക്യാമറകൾ സ്ഥാപിക്കും.