ശബരിമല ധര്‍മ്മശാസ്താ ആലങ്ങാട് യോഗം വക പാനക പൂജ നടന്നു. കടപ്പാട്ടുർ മഹാദേവ ക്ഷേത്രത്തിൽ ഇന്നലെ പ്രത്യേകം തയ്യാറാക്കിയ പന്തലിൽ വൈകിട്ട് ദീപാരാധനയ്ക്ക് ശേഷം നടന്ന പാനക പൂജയ്ക്ക് യോഗ പൂജാരി സുരേശന്‍ സ്വാമി മുഖ്യകാര്‍മ്മികത്വം വഹിച്ചു.
പരികര്‍മ്മികളായി അനൂപ് തെറ്റയില്‍, അനൂപ് ശ്രീഭദ്ര, സുജിത്ത് കെ.എസ്., ആലങ്ങാട് യോഗം സെക്രട്ടറി എന്‍. അനില്‍, ജോയിന്റ് സെക്രട്ടറി ശശികുമാര്‍, ട്രഷര്‍ ജയകുമാര്‍, വിനോദ് കുമാര തുടങ്ങിയവര്‍ നേതൃത്വം നൽകി. നിരവധി ഭക്തജനങ്ങളാണ് പാനക പൂജയിൽ പങ്കെടുക്കുന്നതിനായി ക്ഷേത്രത്തിൽ എത്തിച്ചേർന്നത്.
തുടർന്ന് പ്രസാദ വിതരണവും നടത്തി. വടക്കന്‍ കേരളത്തില്‍ നിന്നും ആരംഭിച്ച് നിരവധി ക്ഷേത്രങ്ങളില്‍ ആചാരവിധി പ്രകാരമുള്ള പാനക പൂജ നടത്തിയാണ് സംഘം അയ്യപ്പ സ്വാമിയുടെ സന്നിധിയിലേയ്ക്ക് എത്തുന്നത്.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
.jpg)
0 Comments