തൊടുപുഴ വെങ്ങല്ലൂരില്‍ വ്യാപാരസ്ഥാപനത്തിലെ ലിഫ്റ്റിന്റെ കുഴിയില്‍ അകപ്പെട്ട പൂച്ചയെ ഫയര്‍ഫോഴ്‌സ് രക്ഷപെടുത്തി. ചൊവ്വാഴ്ച 6.10 ന് ആയിരുന്നു സംഭവം. ഒരു വ്യാപാരസ്ഥാപനത്തിന്റെ ഷോറൂമിന്റെ 25 അടി താഴ്ചയുള്ള ലിഫ്റ്റിന്റെ കുഴിയിലാണ് പൂച്ച അകപ്പെട്ടത്. ജീവനക്കാര്‍ പൂച്ചയെ പുറത്തെത്തിക്കാന്‍ കുറേസമയം ശ്രമിച്ചെങ്കിലും സാധിക്കാത്തതിനാല്‍ ഫയര്‍ഫോഴ്‌സില്‍ വിവരമറിയിച്ചു.
ഉടന്‍ തന്നെ തൊടുപുഴയില്‍ നിന്നും ഒരു യൂണിറ്റ് സേനാംഗങ്ങള്‍ സംഭവസ്ഥലത്ത് എത്തി. ആളുകള്‍ അപകടത്തില്‍ പെടാതിരിക്കാന്‍ ലിഫ്റ്റിന്റെ കുഴിയുടെ മൂന്നുഭാഗങ്ങളും അടച്ചുകെട്ടിയ നിലയില്‍ ആയിരുന്നു. കൂടാതെ തന്നെ തുറന്ന ഭാഗം മുക്കാല്‍ ഭാഗത്തോളം ഉയരത്തില്‍ മറച്ച നിലയിലായിരുന്നു. അതിനാല്‍ തന്നെ ഉള്ളിലേക്ക് ഗോവണി ഇറക്കാന്‍ പ്രയാസമായിരുന്നു.
കുഴിയില്‍ ഇരുട്ടുള്ള അവസ്ഥയിലായതും രക്ഷാപ്രവര്‍ത്തനം ദുഷ്‌കരമാക്കി. ഒടുവില്‍ സേനാംഗങ്ങള്‍ വളരെയേറെ ബുദ്ധിമുട്ടി കുഴിയിലേക്ക് ഗോവണി ഇറക്കി. അതിനുശേഷം ഫയര്‍ ഓഫീസര്‍ എന്‍ എസ് അജയ്കുമാര്‍ സുരക്ഷാ ബെല്‍റ്റ് ധരിച്ച് അതിസാഹസികമായി ഗോവണിയിലൂടെ ലിഫ്റ്റിന്റെ കുഴിയില്‍
ഇറങ്ങുകയും ഏകദേശം പതിനഞ്ച് മിനിറ്റ് സമയം പ്രയത്‌നിച്ച് പൂച്ചയെ പിടികൂടി സുരക്ഷിതമായി കരയ്ക്ക് എത്തിക്കുകയും ചെയ്തു. ഫയര്‍ ഓഫീസര്‍മാരായ ബിനോദ് എം.കെ, ജോബി കെ. ജോര്‍ജ്, ശരത് എസ് എന്നിവരായിരുന്നു ഫയര്‍ഫോഴ്‌സ് സംഘത്തില്‍ ഉണ്ടായിരുന്നത്.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments