"ലൂമിനാരിയ 2025". പാലാ സെൻ്റ് തോമസ് കോളേജിൽ വിദ്യാഭ്യാസ-സാംസ്കാരിക പ്രദർശനമേള ജനുവരി 19 മുതൽ 26 വരെ തീയതികളിൽ നടത്തുമെന്ന് ഭാരവാഹികൾ വാർത്ത സമ്മേളനത്തിൽ അറിയിച്ചു.. വീഡിയോ ഈ വാർത്തയോടൊപ്പം

"ലൂമിനാരിയ 2025". പാലാ സെൻ്റ് തോമസ് കോളേജിൽ വിദ്യാഭ്യാസ-സാംസ്കാരിക പ്രദർശനമേള

പാലാ സെൻ്റ്  തോമസ് കോളേജിൻ്റെ പ്ലാറ്റിനം ജൂബിലിയോടനുബന്ധിച്ച് ജനുവരി 19 മുതൽ 26 വരെ തീയതികളിൽ വിദ്യാഭ്യാസ-സാംസ്കാരിക പ്രദർശനമേള സംഘടിപ്പിക്കുന്നു. ലുമിനാരിയ എന്ന പേരിനെ അന്വർത്ഥമാക്കുന്ന തരത്തിൽ വൈജ്ഞാനിക സാംസ്കാരിക മേഖലകളിലെ ഏറ്റവും നൂതനമായ അറിവുകളിലേക്കും കാഴ്ചകളിലേക്കും വെളിച്ചം വീശുന്ന നിരവധി സ്റ്റാളുകളാണ് ഇന്ത്യയിലെ തന്നെ മികച്ച സ്ഥാപനങ്ങളുടെയും സർക്കാർ വകുപ്പുകളുടെയും ശ്രദ്ധേയരായ വ്യക്തികളുടെയും സഹകരണത്തോടെ ഒരുക്കുന്നത്. 

വീഡിയോ ഇവിടെ കാണാം 

വിക്രം സാരാഭായ് സ്പേസ് സെൻറർ ഒരുക്കുന്ന ശാസ്ത്ര പ്രദർശനം, മെഡക്സ്, മോട്ടോ എക്സ്പോ, പുസ്തകമേള, സാഹിത്യോത്സവം, പെറ്റ് ഷോ, പുരാവസ്തു പ്രദർശനം, പാലാ സോഷ്യൽ വെൽഫെയർ സൊസൈറ്റിയുടെ നേതൃത്വത്തിലുള്ള കാർഷിക മേള , കേരള വനംവകുപ്പിൻ്റെ വിവിധ സ്റ്റാളുകൾ, ഫുഡ് ഫെസ്റ്റ്, ഫാഷൻ ഷോ, ഇൻ്റർ കോളജിയേറ്റ് ഡാൻസ് മത്സരങ്ങൾ കയാക്കിങ്, പ്രശസ്തരായ കലാകാരന്മാരെ ഉൾപ്പെടുത്തിക്കൊണ്ടുള്ള പെയിൻ്റിംഗ് ബിനാലെയും ചിത്ര പ്രദർശനവും, റോബോട്ടിക്സ് ഗയിമുകൾ, പ്ലാനറ്റോറിയം, കിഡ്സ് പാർക്ക്, വൈവിധ്യമാർന്ന കരകൗശലവസ്തുക്കളുടെ നിർമ്മാണവും പ്രദർശനവും എന്നിവയ്ക്കൊപ്പം കോളേജിലെ 21 ഡിപ്പാർട്ടുമെൻ്റുകളുടെ നേതൃത്വത്തിലുള്ള വൈവിധ്യമാർന്ന സ്റ്റാളുകളും മേളയുടെ ഭാഗമാണ്. മധ്യതിരുവിതാംകൂറിലെ ഏറ്റവും വിപുലവും വൈവിധ്യമാർന്നതുമായ വിദ്യാഭ്യാസ-സാംസ്കാരികമേളയ്ക്കാണ് വരുന്ന ദിനങ്ങളിൽ പാലാ സെൻ്റ് തോമസ് കോളേജ് വേദിയാകുന്നത്.

 ആയിരത്തി ഇരുനൂറോളം സ്കൂളുകൾ, എഞ്ചിനീയറിംഗ് കോളേജുകൾ, ആർട്ട്സ് ആൻഡ് സയൻസ് കോളേജുകൾ എന്നിവിടങ്ങളിൽ നിന്നുള്ള വിദ്യാർത്ഥികൾ, പൊതുജനങ്ങൾ എന്നിവരുൾപ്പെടെയുള്ളവർക്ക് വിപുലമായ സൗകര്യങ്ങളാണ് സംഘാടകർ ഏർപ്പെടുത്തിയിരിക്കുന്നത്. ബോളിവുഡ് ഗായിക ശില്പ റാവു നയിക്കുന്ന സംഗീത നിശയിലും ദക്ഷിണേന്ത്യയിലെ പ്രശസ്തരായ എട്ട് മ്യൂസിക് ബാൻഡുകൾ അവതരിപ്പിക്കുന്ന സംഗീതനൃത്ത കലാപരിപാടികളിലും പ്രത്യേക പാസ്സ് മൂലമാണ് പ്രവേശനം നല്കുന്നത്. വിദ്യാഭ്യാസം,ചരിത്രം, ശാസ്ത്രം, പരിസ്ഥിതി,

 സാഹിത്യം, കല, കായികം, വൈദ്യശാസ്ത്രം, എന്നിങ്ങനെ വിവിധ മേഖലകളുമായി ബന്ധപ്പെട്ട ഇന്ത്യയിലെ ശ്രദ്ധേയരായ വ്യക്തികളുടെയും സ്ഥാപനങ്ങളുടെയും സാന്നിദ്ധ്യം ഉറപ്പാക്കാൻ കഴിഞ്ഞു എന്നതാണ് ഈ മേളയിലെ ഏറ്റ ശ്രദ്ധേയമായ ഘടകം.

വാർത്ത സമ്മേളനത്തിൻ കോളജ് പ്രിൻസിപ്പൽ Dr. സിബി ജെയിംസ് , വൈസ് പ്രിൻസിപ്പൽ റവ. ഡോ. സാൽവിൻ കാപ്പലി പ്പറമ്പിൽ, ബർസാർ ഫാ മാത്യു ആലപാട് മേടയിൽ, കായിക വിഭാഗം മേധാവി ആശിഷ് ജോസഫ്, ജോജി ജേക്കബ്, ഡോ. ജിൻസ് കാപ്പൻ തുടങ്ങിയവർ പങ്കെടുത്തു.

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34