പ്രിയപ്പെട്ട സില സേട്ടന്മാരെ സേച്ചിമാരെ ,......... തൻ്റെ വീടു വിൽപ്പന മുടക്കിയ നാട്ടിലെ "ആനപ്പാറ അച്ചാമ്മമാർക്ക് " കണക്കിന് പണി കൊടുത്ത് കെഴുവകുളം സ്വദേശി ജയകൃഷ്ണൻ നമ്പൂതിരി ...... വിൽക്കാനിട്ടിരിക്കുന്ന വീടിൻ്റെ മട്ടുപ്പാവിൽ ഫ്ലക്സ് വെച്ചാണ് ജയകൃഷ്ണൻ നമ്പൂതിരി പാഷാണത്തിൽ കൃമികൾക്ക് പണി കൊടുത്തത് ......

Yes Vartha Editor December 18, 2024

ഫ്ലക്സിലെ വാചകങ്ങൾ ഇങ്ങനെ ;

"ഞാൻ പണിത വീട് വില്പന ഏകദേശം ആകുകയാണ് എന്ന വിവരം ഏവരെയും സന്തോഷപൂർവ്വം അറിയിക്കുന്നു.,,

മുൻപ് വീടു കാണാൻ വന്നിരുന്ന പല ബ്രോക്കർമാരോടും മറ്റു പലരോടും അതു ഒരു ഇല്ലപ്പറമ്പ് ആണ് എന്നും അവിടെ താമസിച്ചവർക്ക് ഒക്കെ പ്രശ്നങ്ങൾ ആണെന്നും പറഞ്ഞു ധരിപ്പിക്കാൻ ചിലർ (ആനപ്പാറ അച്ചാമ സ്വഭാവം ഉള്ള )കാണിച്ച ആ ശുഷ്‌കാന്തി ഉണ്ടല്ലോ ഞാൻ ശിരസ്സ് നമിക്കുന്നു..

കൂടാതെ ഇല്ലത്തെ മരിച്ചു പോയ എന്റെ മുത്തശ്ശനെയും മുതു മുത്തശ്ൻ മുതശിമാരെ ഇവർ ഇവിടെ ഒക്കെ വച്ചു കാണാറുണ്ട് എന്ന് വീട് കാണാൻ വന്നവരോട് പറഞ്ഞതായി ബ്രോക്കർമാർ എന്നോട് പറഞ്ഞു..പാവം ബ്രോക്കർ പാലായിൽ നിന്നു ഓട്ടോ പിടിച്ചു 3 4 തവണ പലരെ കൊണ്ട് കാണിച്ചപ്പോൾ ഉണ്ടായ അനുഭവം ഇത്..ബ്രോക്കെരോട് ഞാൻ ഇതൊക്കെ ആരാ പറഞ്ഞെ എന്ന് ചോദിച്ചപ്പോ ബ്രോക്കർ പറഞ്ഞത്

"ചുണ്ടെലിടെ മോന്ത ഉള്ള കണ്ണാടി വച്ചിട്ടുള്ള ഒരുത്തി " പറഞ്ഞന്നാ പറഞ്ഞത്... പിന്നെ ഞാനും ഒന്നും ചോദിക്കാൻ പോയില്ല..കാരണം ആ മുഖം കാണണേൽ ചുണ്ടേലിയെ കാണാൻ പോണം... Same മോന്ത നോക്കാൻ പോണം ഞാൻ പിന്നെ ഒന്നും ചോദിച്ചില്ല... അല്ല ബ്രോക്കേറെ പറഞ്ഞിട്ട് കാര്യമില്ല 3 തവണ പാലായിൽ നിന്നു ആളെ കൂട്ടി വന്നു ഓട്ടോക്കൂലി ചിലവും പുള്ളിടെ പോയത് മിച്ചം .കച്ചവടം നടന്നാൽ അല്ലേ പുള്ളിക്ക് വല്ലതും കിട്ടു 😂

ഒരു അപേക്ഷ ഉണ്ട്...ഈ കാര്യങ്ങൾ ഒക്കെ പറഞ്ഞ സ്ഥിതിക്ക്,, ഈ post വായിക്കുന്നവർ ആ ചുണ്ടെലി മോന്ത കണ്ടാൽ പറയുക.. ബ്രോക്കെരോട് പറഞ്ഞതൊക്കെ സത്യമാണേൽ .ഇനി അഥവാ ഇല്ലപ്പറമ്പിൽ മരിച്ചു പോയ മുത്തശനെ കാണാൻ അവസരം ഉണ്ടായ ആളോട് ഒരു അപേക്ഷ,,കാണാൻ ഉള്ള അവസരം ഉണ്ടാകുമ്പോ ദയവു ചെയ്തു എന്നെയും ചെറിയമ്മേ കൂടി അറിയിക്കണം,, ( മുറുക്കാൻ അല്ലേൽ കൈയിൽ ജ്യോതിമാൻ ബീഡിയോ ഉണ്ടേൽ സംശയിക്കണ്ടാ അതു മുത്തശ്ൻ തന്നെ ആണ്)..കണ്ടാൽ ഞങ്ങളെ വിളിക്കാൻ മറക്കരുത്,, എനിക്ക് വീണ്ടും കാണാൻ ഉള്ള കൊതികൊണ്ടും, അമ്പലത്തിലെ പുനരുദ്ധാരണം നടന്നതൊക്കെയും മാളികപ്പുറത്തമ്മ പുതിയ ശ്രീകോവിൽ ഒക്കെ ഒന്ന് കാണിച്ചു കൊടുക്കുകേം ഇല്ലത്തു വന്നു ചെറിയമ്മ വച്ച പുളിശ്ശേരി കൂട്ടി ഉണ്ടിട്ടു പോകുകേം ചെയ്യാലോ,,പിന്നെ ഇവരെ ഒക്കെ കാണാൻ ഉള്ള ആ ദിവ്യദൃഷ്ടി ഒക്കെ എനിക്ക് കൂടി ഒന്ന് പഠിപ്പിച്ചു തരുക കൂടി വേണം..(ദക്ഷിണ ഞാൻ തരാം ട്ടൊ.)

പിന്നെ ഈ പെരയുടെ ആധാരം ഒക്കെ കഴിഞ്ഞു അടുത്ത പെര പണിയാൻ plan ഉണ്ട്.. അവിടെയും പുതിയ ഏഷണികൾ,, പരദൂഷണങ്ങൾ,,കുശുമ്പിൽ നിറഞ്ഞ ആപ്തവാക്യങ്ങൾ,,പ്രതീക്ഷിച്ചു കൊള്ളുന്നു,, അന്യം നിന്നു പോവുന്ന ഇത്തരം ജന്മവാസന ഗുണങ്ങൾ,സർഗ്ഗവാസനകൾ ഉള്ള വ്യക്തികളെ പ്രത്യേക പരിഗണനയിൽ പെടുത്തി പഞ്ചായത്തിൽ നിന്നു കിട്ടേണ്ടതായ ആനുകൂല്യങ്ങൾ ഇവർക്ക് ലഭിക്കാൻ ഞാൻ എന്തായാലും മെമ്പറോട് ശുപാർശ ചെയ്യുന്നുണ്ട്...കൂടാതെ ഏറ്റവും നല്ലതായ പരദൂഷണത്തിനു എന്റെ വക സമ്മാനമായി പരദൂഷണ പട്ടവും,, കുടുംബം കലക്കലിനു നാരദരുടെ സ്മരണാർത്ഥം സ്പെഷ്യൽ മോമെന്റൊയും കൊടുക്കുന്നതാണ്....😊 പിന്നെ നമ്മുടെ താത്വിക ആചാര്യൻ ദേവാസുരത്തിൽ പറഞ്ഞപോലെ നേരിട്ടു പറഞ്ഞും ചെയ്‌തും ഒക്കെ ഉള്ള ശീലമാ,, അതിനുള്ള ഒരു യോഗ്യത ഇമ്മാതിരി items ഇല്ലാത്ത കൊണ്ട് ഇതിലൂടെ നിർത്തുന്നു... 🤭 അടുത്ത പണിക്കു ഉഷാറ് കൂട്ടുകാ,

ഒരുപാട് സ്നേഹത്തോടെ ജയകൃഷ്ണൻ നമ്പൂതിരി കെഴുവംകുളം 😊🙏🙏🙏