സുനില്‍ പാലാ
പാലാ ഫയര്‍ഫോഴ്‌സിലെ നൈറ്റ് ഡ്യൂട്ടി കഴിഞ്ഞ് രാവിലെ 8 മണിയോടെ നേരെ മനോജ് പുലിയള്ളില്‍ പാലാ മുനിസിപ്പല്‍ സ്റ്റേഡിയത്തില്‍ സംസ്ഥാന വെറ്ററന്‍സ് ചാമ്പ്യന്‍ഷിപ്പ് മത്സരത്തിനെത്തി. 100 മീറ്ററില്‍ പറന്ന് വെള്ളി നേടി.
45 വയസിന് മേല്‍ പ്രായമുള്ളവരുടെ വിഭാഗം നൂറ് മീറ്റര്‍ മത്സരത്തില്‍ ഒന്നാം സ്ഥാനം നേടിയ ഡൊമിനിക് തോമസും രണ്ടാം സ്ഥാനം നേടിയ മനോജ് പുലിയള്ളിലും മീനച്ചില്‍ താലൂക്കുകാരാണ്.
പാലാ ഫയര്‍ഫോഴ്‌സില്‍ ഡ്രൈവര്‍ കം മെക്കാനിക്കാണ് മുന്‍ അത്‌ലറ്റിക് കൂടിയായ മനോജ് പുലിയള്ളില്‍. കഴിഞ്ഞ വര്‍ഷം ദുബായില്‍ നടന്ന ഇന്റര്‍നാഷണല്‍ വെറ്ററന്‍സ് മീറ്റില്‍ ട്രിപ്പിള്‍ ജംപില്‍ സമ്മാനം നേടിയിരുന്നു.
ഭാര്യ ഷാലി ചന്ദ്രന്‍ ഭരണങ്ങാനം വില്ലേജ് ഓഫീസില്‍ ക്ലര്‍ക്കാണ്. ആദിദേവ്, അഭിദേവ് എന്നിവരാണ് മക്കള്‍.
രാമപുരം ഇലഞ്ഞിയില്‍ കുടുംബാംഗമായ ഡൊമിനിക് തോമസ് വോളിബോള്‍ കളിക്കാരനാണ്. കുറവിലങ്ങാട് ഡി പോള്‍ ഹയര്‍സെക്കണ്ടറി സ്‌കൂളിലെ കായികാധ്യാപകനാണ്. ജോസിനയാണ് ഭാര്യ. കെവിന്‍ ഏക മകനും.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
.jpeg)
.jpeg)
0 Comments