നാളെ മുതൽ വിളക്കുംമരുത് ജംഗ്ഷനിൽ ബസ് സ്റ്റോപ്പ് പുനക്രമീകരിക്കും

പാലാ - പൊൻകുന്നം റോഡിൽ വിളക്കുംമരുത് ജംഗ്ഷനിലെ ബസ് സ്റ്റോപ്പുകൾ പുനക്രമീകരിച്ചു. നിലവിലെ ബസ് സ്റ്റോപ്പ് നിലനിന്നിരുന്ന നാലും കൂടിയ ജംഗ്ഷനിൽ  തുടർച്ചയായ അപകടങ്ങൾക്കും ഗതാഗതക്കുരുക്കിനും കാരണമാവുന്നതിനെ തുടർന്നാണ് ബസ് സ്റ്റോപ്പ് പുനക്രമീകരിക്കാൻ തീരുമാനിച്ചത്.

 ട്രാഫിക് അഡ്വൈസറി ബോർഡിൻ്റെ നിർദേശം ഗ്രാമപഞ്ചായത്ത് അംഗീകരിച്ചാണ് ഈ തീരുമാനം. നാളെ മുതൽ ക്രമീകരണങ്ങൾ നടപ്പിലാകും. പാലാ ഭാഗത്തേയ്ക്കുള്ള ബസ് സ്റ്റോപ്പ് പൂവരണി സർവ്വീസ് സഹകരണ ബാങ്കിനു സമീപം പൂവരണി പള്ളിയുടെ

 ഷോപ്പിംഗ് കോംപ്ലക്സിനു മുന്നിലും പൊൻകുന്നം ഭാഗത്തേയ്ക്കുള്ള ബസ് സ്റ്റോപ്പ് പൂവരണി വായനശാലയുടെ മുന്നിലേക്കുമാണ് മാറ്റി സ്ഥാപിച്ചിട്ടുള്ളത്. ഈ ക്രമീകരണങ്ങൾ നടപ്പാകുന്നതോടെ അപകടങ്ങൾ ഒഴിവാക്കാൻ കഴിയും.

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34