വ്യത്യസ്ത വിഷയങ്ങളുമായി സിസിഐ രണ്ടാം ദിനം

വ്യത്യസ്ത വിഷയങ്ങളുമായി സിസിഐ രണ്ടാം ദിനം 

രാവിലെ ഭരണങ്ങാനം വിശുദ്ധ അൽഫോൻസാമ്മയുടെ കബറിട ദൈവാലയത്തിൽവെച്ചുള്ള വിശുദ്ധ കുർബാനയോടുകൂടി സി സി ഐയുടെ ദേശീയസമ്മേളനത്തിന്റെ രണ്ടാം ദിനം ആരംഭിച്ചു. സിബിസിഐ പ്രസിഡന്റ് ആർച്ച്ബിഷപ് മാർ ആൻഡ്രൂസ് താഴത്തിന്റെ കാർമികത്വത്തിൽ മുംബൈ ആർച്ച്ബിഷപ് കർദ്ദിനാൾ ഓസ്വാൾഡ് ഗ്രേഷ്യസ്, ബംഗളുരു ആർച്ച്ബിഷപ് പീറ്റർ മച്ചാഡോ, കണ്ണൂർ ബിഷപ്പ് റവ ഡോ അലക്സ് വടക്കുംതല എഴുപത്തിയഞ്ചിലേറെ വൈദികർ 125 പ്രതിനിധികൾ എന്നിവർ രണങ്ങാനം വിശുദ്ധ അൽഫോൻസാമ്മയുടെ കബറിട ദൈവാലയത്തിൽവെച്ചുള്ള വിശുദ്ധ കുർബാനയിൽ സംബന്ധിച്ചു. 

തുടർന്നുള്ള സെഷനുകളിൽ  റിട്ടയേർഡ് പി.ജെ.തോമസ് ഐ.എ.എസ് മുഖ്യ പ്രഭാഷണം നടത്തിയ. അല്മായർ ഈ സമൂഹത്തിലെ വിശ്വാസ പ്രഘോഷകരാണെന്നും ആധുനികയുഗത്തിൽ ആർട്ടിഫിഷ്യൽ ഇൻ്റലിജൻസിൻ്റെയും മാധ്യമങ്ങളുടേയും സ്വാധീനം സുവിശേഷാത്മക പ്രവർത്തനങ്ങൾക്ക് കൂടുതൽ ഊർജ്ജം  പകർന്നു എന്നും അദ്ദേഹം സൂചിപ്പിച്ചു. തുടർന്നു നടന്ന പാനൽ ചർച്ചകളിൽ ഡോ. ചാക്കോ കാളംപറമ്പിൽ പരിസ്ഥിതി പ്രതിസന്ധികളെയും കുറിച്ചും ഡോക്ടർ മാത്യു സി.റ്റി ശാസ്ത്രവും വിശ്വാസവും തമ്മിലുള്ള ബന്ധത്തെക്കുറിച്ചും പാരസ്പര്യത്തെക്കുറിച്ചും ഡോക്ടർ തരകൻ അല്മായരുടെ സാമ്പത്തിക 

സുസ്ഥിതിയെകുറിച്ചും നിലനിൽപ്പിനെകുറിച്ചും പ്രബന്ധങ്ങളവതരിപ്പിച്ചു. 

സിനാഡാത്മക സഭയുടെ പ്രത്യാശയോടെയുള്ള യാത്രയെക്കുറിച്ച് കെസിബിസി സെക്രട്ടറി ജനറൽ   റവ ഡോ അലക്സ് വടക്കുംതല ക്ലാസ് നയിച്ചു. സിബിസിഐ  യുടെ കീഴിൽ പ്രവർത്തിക്കുന്ന വിവിധ കമ്മീഷനുകളുടെ റിപ്പോർട്ടിങ് സെക്ഷനും തുടർന്ന് നടന്നു. വൈകിട്ട് കേരളത്തനിമയുടെ പ്രതിഫലനമെന്നോണം മാർഗംകളി, പരിചമുട്ടുകളി തനതായ  കലാരൂപങ്ങളുടെ ആവിഷ്കാരവും ഈ ദേശീയ സമ്മേളനത്തിന് മാറ്റുകൂട്ടി.

സിസിഐ ദേശീയസമ്മേളനത്തിൽ നാളെ (17-11-2024)

രാവിലെ സീറോ മലങ്കര സഭാതലവൻ മേജർ ആർച്ച്ബിഷപ് കർദ്ദിനാൾ ബസേലിയോസ് ക്ലിമീസ് കാതോലിക്കാ ബാവയുടെ കാർമികത്വത്തിൽ വിശുദ്ധ കുർബാന. അഡ്വ. എബ്രഹാം പട്ടിയാനി, എക്‌സിക്യൂട്ടീവ് കമ്മിറ്റി അംഗം സി.സി.ഐ പ്രബന്ധാവതരണം നടത്തും. സമാപനസമ്മേളനത്തിൽ ചങ്ങനാശേരി അതിരൂപതാധ്യക്ഷൻ ആർച്ച്ബിഷപ് മാർ തോമസ് തറയിൽ മുഖ്യാതിഥിയായി പങ്കെടുക്കും.

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34