പാലാ കത്തീഡ്രല്‍, ളാലം പഴയ പള്ളി, ളാലം പുത്തന്‍പള്ളി ഇടവകളുടെ ആഭിമുഖ്യത്തില്‍ പാലാ ടൗണ്‍ കുരിശുപള്ളിയില്‍ പരിശുദ്ധ അമലോത്ഭവ മാതാവിന്റെ തിരുനാള്‍ ഡിസംബര്‍ ഒന്നു മുതല്‍ 9 വരെ തീയതികളില്‍ ആഘോഷമായി നടത്തപ്പെടുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
വീഡിയോ ഇവിടെ കാണാം👇👇👇
ഭക്തിനിര്‍ഭരമായ തിരുക്കര്‍മ്മങ്ങള്‍, ബൈബിള്‍ പ്രഭാഷണങ്ങള്‍, തിരുനാള്‍ പ്രദിക്ഷണം, മരിയന്‍ റാലി, ജൂബിലി സ്മാരക ഘോഷയാത്ര, ടൂവീലര്‍ ഫാന്‍സി ഡ്രസ് മത്സരം, ബൈബിള്‍ ടാബ്ലോ മത്സരം, ദീപാലങ്കാരങ്ങള്‍, നാടകമേള, നയന മനോഹരമായ വീഥി അലങ്കാരങ്ങള്‍, ശ്രുതിമധുരമായ വാദ്യമേളങ്ങള്‍ എന്നിവ പെരുന്നാളിന് മോടി കൂട്ടും.
ഒന്നാം തീയതി വൈകിട്ട് 5.15നുള്ള വിശുദ്ധ കുര്‍ബാനയ്ക്ക് ശേഷംപള്ളിയില്‍ നിന്നും വാദ്യമേളങ്ങളോടെ തിരുനാള്‍ പ്രദിക്ഷണമായി കുരിശുപള്ളിയില്‍ എത്തി കൊടിയേറ്റ് കര്‍മ്മം നടത്തും. തുടര്‍ന്ന് ഏഴുമണിക്ക് ടൗണ്‍ഹാളില്‍ വച്ച് സി വൈ എംഎല്‍ നാടകമേളയുടെ ഉദ്ഘാടനവും തുടര്‍ന്ന് നാടകവും നടക്കും.
ഏഴാം തീയതി രാവിലെ വരെ എല്ലാ ദിവസവും രാവിലെ വിശുദ്ധ കുര്‍ബാന ഉണ്ടായിരിക്കും. ഏഴാം തീയതി രാവിലെ 7.30ന് അമലോത്ഭ മാതാവിന്റെ തിരുസ്വരൂപം പന്തലില്‍ പ്രതിഷ്ഠിക്കും. അന്നേ ദിവസം രാവിലെ എട്ടിന് പാലാ സെന്റ് മേരീസ് സ്‌കൂളിലെ കുട്ടികള്‍ നടത്തുന്ന മരിയന്‍ റാലിയും ഉച്ചകഴിഞ്ഞ് 2.30ന് ജൂബിലി സാംസ്‌കാരിക ഘോഷയാത്ര, ടൂവീലര്‍ ഫാന്‍സി ഡ്രസ് മത്സരം, ബൈബിള്‍ ടാബ്ലോ മത്സരം എന്നിവ നടക്കും. അഞ്ചുമണിക്ക് കുര്‍ബാനയ്ക്ക് ശേഷം ആഘോഷമായ പ്രദിക്ഷണം നടക്കും.
പ്രധാന തിരുനാള്‍ ദിവസമായ എട്ടാം തീയതി രാവിലെ 6.30ന് വിശുദ്ധ കുര്‍ബാന, പത്തുമണിക്ക് പാലാ രൂപതാ അധ്യക്ഷന്‍ ജോസഫ് കല്ലറങ്ങാടിന്റെ കാര്‍മ്മികത്വത്തില്‍ തിരുനാള്‍ വിശുദ്ധ കുര്‍ബാന നടക്കും. വൈകിട്ട് ആറുമണിക്ക് പട്ടണം ചുറ്റിയുള്ള ആഘോഷമായ തിരുനാള്‍ പ്രദിക്ഷണം ആരംഭിക്കും. തുടര്‍ന്ന് പരിശുദ്ധ കുര്‍ബാനയുടെ ആശിര്‍വാദവും സമ്മാനദാനവും നടക്കും.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments