സുനില്‍ പാലാ
ഭക്ഷണവും വസ്ത്രവും കളറാക്കി കലോത്സവ വേദിയില്‍ തിളങ്ങി പ്രഥമാധ്യാപികമാര്‍.
ഭക്ഷണവും വസ്ത്രവും കളറാക്കി കലോത്സവ വേദിയില്‍ തിളങ്ങി പ്രഥമാധ്യാപികമാര്‍.
വിളക്കുമാടം സെന്റ് ജോസഫ്‌സ് ഹയര്‍സെക്കണ്ടറി സ്‌കൂളില്‍ നടന്ന പാലാ വിദ്യാഭ്യാസ ഉപജില്ല സ്‌കൂള്‍ കലോത്സവത്തിലാണ് ഒരേ വേഷത്തോടെ എത്തിയ പ്രഥമാധ്യാപികമാര്‍ ശ്രദ്ധേയരായത്. മേളയിലെ ഫുഡ് കമ്മറ്റിയുടെ ചുമതലയായിരുന്നു ഇവര്‍ക്ക്. പീച്ച് നിറത്തിലുള്ള ചുരിദാറായിരുന്നു എട്ട് പ്രഥമാധ്യാപകരുടെയും വേഷം. ഫുഡ് കമ്മറ്റിയിലെ ഒരാള്‍ മാത്രം സാരിയുടുത്തു.
അളനാട് ഗവ. യു.പി. സ്‌കൂളിലെ ഹെഡ്മിസ്ട്രസ് ബിന്ദു എം.എന്‍., പാലാ സൗത്ത് കടയം ഗവ. എല്‍.പി. സ്‌കൂളിലെ ഹെഡ്മിസ്ട്രസ് ബിന്ദു ജി., അരുണാപുരം ഗവ. എല്‍.പി. സ്‌കൂളിലെ ഹെഡ്മിസ്ട്രസ് ഡെയ്‌സി, പാറപ്പള്ളി ഗവ. എല്‍.പി. സ്‌കൂളിലെ ഹെഡ്മിസ്ട്രസ് സുമ ബി. നായര്‍, ന്യൂ പുലിയന്നൂര്‍ ഗവ. എല്‍.പി. സ്‌കൂളിലെ ഹെഡ്മിസ്ട്രസ് ആശ ബാലകൃഷ്ണന്‍, വെള്ളിയേപ്പള്ളി ഗവ. എല്‍.പി. സ്‌കൂളിലെ ഹെഡ്മിസ്ട്രസ് ടി.കെ. മഞ്ജുറാണി, കയ്യൂര്‍ ഗവ. എല്‍.പി. സ്‌കൂളിലെ ഹെഡ്മിസ്ട്രസ് ഗിരിജ കെ.എം., നെച്ചിപ്പുഴൂര്‍ ഡി.വി. എന്‍.എസ്.എസ്. എല്‍.പി. സ്‌കൂള്‍ ഹെഡ്മിസ്ട്രസ് ബിന്ദു ജി. നായര്‍ എന്നിവരാണ് ഒരേ നിറത്തിലുള്ള ചുരിദാറണിഞ്ഞത്. മേലമ്പാറ ഗവ. എല്‍.പി. സ്‌കൂളിലെ ഹെഡ്മിസ്ട്രസ് എ.പി. ഇന്ദുലേഖയായിരുന്നു ഇവരിലെ ഏക സാരിക്കാരി. ഈ പ്രഥമാധ്യാപികമാര്‍ അടുത്തകാലത്ത് തിരുവാതിരകളിയിലൂടെയും ശ്രദ്ധേയരായിരുന്നു.
കുട്ടികള്‍ക്കൊപ്പം കലോത്സവം ഞങ്ങള്‍ക്കും ഹരം
''കുട്ടികള്‍ക്കൊപ്പം കലോത്സവം ഞങ്ങള്‍ക്കും ഹരമാണ്. അതുകൊണ്ടുതന്നെ ഒരേ വേഷം അണിഞ്ഞ് കലോത്സവത്തിന് എത്തണമെന്ന പാലാ വിദ്യാഭ്യാസ ഉപജില്ലയിലെ സ്‌കൂളുകളിലെ ഹെഡ്മിസ്ട്രസുമാരായ ഞങ്ങള്‍ നേരത്തെതന്നെ തീരുമാനിച്ചിരുന്നു'' അളനാട് ഗവ. യു.പി. സ്‌കൂള്‍ ഹെഡ്മിസ്ട്രസ് ബിന്ദു എം.എന്‍-ഉം നെച്ചിപ്പുഴൂര്‍ ഡി.വി. എന്‍.എസ്.എസ്. എല്‍.പി. സ്‌കൂള്‍ ഹെഡ്മിസ്ട്രസ് ബിന്ദു ജി. നായരും പറഞ്ഞു.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
.jpeg)
.jpeg)
0 Comments