വിദേശ ജോലി വാഗ്ദാനം ചെയ്ത് ലക്ഷങ്ങൾ തട്ടിയെടുത്ത കേസിൽ യുവാവ് അറസ്റ്റിൽ.

വിദേശ ജോലി വാഗ്ദാനം ചെയ്ത് ദമ്പതികളിൽ നിന്നും നാലു ലക്ഷത്തി എൺപതിനായിരം രൂപ (4,80,000) തട്ടിയെടൂത്ത  കേസിൽ യുവാവിനെ പോലീസ് അറസ്റ്റ് ചെയ്തു. കണ്ണൂർ വട്ട്യറ ഭാഗത്ത് വേളാരി വിളയിൽ വീട്ടിൽ  ജോൺ ക്രിസ്റ്റഫർ  (45) എന്നയാളെയാണ് വൈക്കം പോലീസ് അറസ്റ്റ് ചെയ്തത്. ഇയാളും, സുഹൃത്തും ചേർന്ന് 2024 ഫെബ്രുവരി മാസം മുതൽ പലതവണകളിലായി  തലയാഴം സ്വദേശികളായ ദമ്പതികൾക്ക്  വിദേശരാജ്യമായ  നോർവേയിൽ  ജോലി വാങ്ങി

 നൽകാമെന്ന് പറഞ്ഞ് വിശ്വസിപ്പിച്ച്  ഇവരുടെ അക്കൗണ്ടിൽ നിന്നും  പലതവണകളിലായി നാലു ലക്ഷത്തി എൺപതിനായിരം രൂപ  ജോൺ ക്രിസ്റ്റഫറുടെ അക്കൗണ്ടിലേക്ക് അയച്ചു മേടിക്കുകയായിരുന്നു. തുടർന്ന് ദമ്പതികൾക്ക്  ജോലി നൽകാതെയും, പണം തിരികെ നൽകാതെയും ഇവർ കബളിപ്പിക്കുകയായിരുന്നു.  

പരാതിയെ തുടർന്ന് വൈക്കം  പോലീസ് കേസ് രജിസ്റ്റർ ചെയ്യുകയും തുടർന്ന് നടത്തിയ ശാസ്ത്രീയമായ പരിശോധനയിൽ പണം ഇയാളുടെ അക്കൗണ്ടിലേക്ക് എത്തിയതായി കണ്ടെത്തുകയും, തുടർന്ന് നടത്തിയ തിരച്ചിലിൽ ഇയാളെ പിടികൂടുകയുമായിരുന്നു.  വൈക്കം സ്റ്റേഷൻ എസ്.എച്ച്.ഓ സുകേഷ്.എസ്, എസ്.ഐ കുര്യൻ മാത്യു, സി.പി.ഒ രാജേഷ് പി.ആർ എന്നിവർ ചേർന്നാണ് ഇയാളെ അറസ്റ്റ് ചെയ്തത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു. മറ്റു പ്രതിക്കായി തിരച്ചിൽ ശക്തമാക്കി.

"യെസ് വാർത്ത''യിൽ 

വാർത്തകൾ കൊടുക്കുന്നതിനും, 

പരസ്യങ്ങൾ ചെയ്യുന്നതിനുമായും , 

വാർത്താ സംബന്ധമായ കാര്യങ്ങൾക്കും       

വിളിക്കുക.

 70 12 23 03 34