സിനിമാ പ്രവര്‍ത്തകരെ ആക്രമിച്ച കേസില്‍ നാല് പ്രതികളെ അറസ്റ്റു ചെയ്തു. ഒന്നാംപ്രതി കോലാനി പഞ്ചവടിപ്പാലം തോണിക്കുഴിയില്‍ ടി.അമല്‍ദേവ് (32), നാലാം പ്രതി മുതലക്കോടം ഈന്തുങ്കല്‍ ജഗന്‍ ജോര്‍ജ് (51) എട്ടാം പ്രതി പാറക്കടവ് ഓലിക്കണ്ടത്തില്‍ വിനു (43), പത്താം പ്രതി താഴ്ചയില്‍ സുധീഷ് (27) എന്നിവരെയാണ് തൊടുപുഴ പോലീസ് അറസ്റ്റ് ചെയ്തത്.
ഇതില്‍ അമല്‍ദേവ് ബുധനാഴ്ച വൈകിട്ടോടെ സ്റ്റേഷനില്‍ കീഴടങ്ങുകയായിരുന്നു. ഒളിവില്‍ കഴിഞ്ഞിരുന്ന മറ്റുള്ളവരെ കഴിഞ്ഞ ദിവസങ്ങളിലാണ് പോലീസ് പിടികൂടിയത്. കേസില്‍ 14 പ്രതികളുണ്ടെന്നും മറ്റുള്ളവരെ പിടികൂടാനുണ്ടെന്നും പോലീസ് പറഞ്ഞു. കഴിഞ്ഞ 13ന് രാത്രിയാണ് കോഴിക്കോട് സ്വദേശിയായ
റെജില്‍, തിരുവനന്തപുരം സ്വദേശികളായ ജിഷ്ണു, ജയസേനന്‍ എന്നിവരെ അക്രമി സംഘം മര്‍ദ്ദിച്ചത്. സിനിമയുടെ ആര്‍ട്ട് വര്‍ക്ക് ജീവനക്കാരാണിവര്‍. സിനിമാ ചിത്രീകരണത്തിനു മുന്നോടിയായി സെറ്റ് നിര്‍മ്മാണത്തിനായാണ് ഇവര്‍ തൊടുപുഴയിലെത്തിയത്.
രണ്ട് ലോഡ്ജുകളിലായി ആറുപേരാണ് താമസിച്ചിരുന്നത്. ഇവരില്‍ തൊടുപുഴ ഗവ. സ്‌കൂളിനടുത്ത് താമസിച്ചിരുന്നവര്‍ക്കാണ് മര്‍ദ്ദനമേറ്റത്. പിക്ക്അപ്പ് വാഹനത്തിന്റെ ഡ്രൈവറായ അമല്‍ദേവുമായുണ്ടായ വാക്കുതര്‍ക്കമാണ് ആക്രമത്തില്‍ കലാശിച്ചത്.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
.jpeg)
.jpeg)
0 Comments