ഇടുക്കി ജില്ലാ ആശുപത്രിയില്‍ ബഹളമുണ്ടാക്കിയ യുവാക്കള്‍ വിവരം അന്വേഷിക്കാനെത്തിയ പോലീസ് ഉദ്യോഗസ്ഥരെ മര്‍ദ്ദിച്ചു. നാലുപേര്‍ പിടിയിലായി. തൊടുപുഴ പഞ്ചവടിപ്പാലം പാറയില്‍ അഭിജിത്ത് (24), വാഴക്കുളം ആവോലി ചെമ്പിക്കര അമല്‍ (19), പാലക്കുഴ മാറിക പുത്തന്‍പുരയില്‍ അഭിജിത്ത് (24), സഹോദരന്‍ അജിത്ത് (19) എന്നിവരാണ് പിടിയിലാണ്. മര്‍ദ്ദനത്തില്‍ തൊടുപുഴ പോലീസ്
കണ്‍ട്രോള്‍ റൂമിലെ സിവില്‍ പോലീസ് ഉദ്യോഗസ്ഥന്‍ ഷാജിക്ക് മുഖത്തും കൈക്കും പരിക്കേറ്റിട്ടുണ്ട്. സിപിഒ ജില്ലാ ആശുപത്രിയില്‍ ചികിത്സയിലാണ്. ഇന്നലെ വൈകിട്ട് നാലോടെ തൊടുപുഴ ജില്ലാ ആശുപത്രിയില്‍ ഓട്ടോയില്‍നിന്ന് തെറിച്ചുവീണ അമലുമായി യുവാക്കള്‍ ആശുപത്രിയിലെത്തുകയായിരുന്നു.
മദ്യലഹരിയിലായിരുന്ന ഇവര്‍ ഡോക്ടര്‍മാരോടും ജീവനക്കാരോടും വഴക്കുണ്ടാക്കുകയും അസഭ്യം പറയുകയും ചെയ്തു. ആശുപത്രിയിലെ പോലീസ് എയ്ഡ് പോസ്റ്റിലുണ്ടായിരുന്ന പോലീസ് ഉദ്യോഗസ്ഥന്‍ ബഹളം കേട്ടെത്തി. ഉദ്യോഗസ്ഥനോടും ഇവര്‍ മോശമായി പെരുമാറി.
തുടര്‍ന്ന് കണ്‍ട്രോള്‍ റൂമില്‍നിന്ന് പോലീസുകാരെത്തിയപ്പോള്‍ യുവാക്കള്‍ അക്രമാസക്തരാകുകയായിരുന്നു. കൂടുതല്‍ പോലീസെത്തിയാണ് ഇവരെ കീഴ്പ്പെടുത്തിയത്. ആശുപത്രിയുടെ പ്രവര്‍ത്തനം തടസപ്പെടുത്തിയതിനും പോലീസ് ഉദ്യോഗസ്ഥരെ കൈയേറ്റം ചെയ്തതിനും ഇവര്‍ക്കെതിരേ കേസെടുക്കുമെന്ന് പോലീസ് പറഞ്ഞു.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
0 Comments