ബൈക്കുകള്‍ കൂട്ടിയിടിച്ചുണ്ടായ അപകടത്തില്‍ പിതാവിനും മകള്‍ക്കും പരിക്കേറ്റു. അറക്കുളം മുണ്ടയ്ക്കല്‍ ഷിജോ ശങ്കറി(40)നും മകള്‍ക്കുമാണ് പരിക്കേറ്റത്. അറക്കുളം എഫ്‌സിഐ ഗോഡൗണില്‍ ജോലി ചെയ്യുന്ന ഷിജോ മകള്‍ക്ക് മരുന്നു വാങ്ങുവാനായി വെള്ളിയാഴ്ച രാവിലെ ഒമ്പതോടെ അറക്കുളം പ്രാഥമികാരോഗ്യ
കേന്ദ്രത്തിലേക്കു പോകുമ്പോള്‍ കോളേജ് വിദ്യാര്‍ത്ഥികള്‍ സഞ്ചരിച്ച ബൈക്കിടിക്കുകയായിരുന്നു. അപകടത്തില്‍ രണ്ടുപേര്‍ക്കും സാരമായി പരിക്കേറ്റു. ഇരുവരെയും മൂലമറ്റത്തെ സ്വകാര്യ ആശുപത്രിയില്‍ എത്തിച്ച് പ്രാഥമിക ചികിത്സ നല്‍കിയ ശേഷം തൊടുപുഴയിലെ ആശുപത്രിയിലേയ്ക്കു മാറ്റി.
ഇവിടെ അപകടം പതിവായി മാറിയിരിക്കുകയാണെന്ന് നാട്ടുകാര്‍ പറഞ്ഞു. പലപ്പോഴും കോളേജ് വിദ്യാര്‍ത്ഥികള്‍ ഇരുചക്ര വാഹനങ്ങളില്‍ അമിത വേഗതയിലാണ് സഞ്ചരിക്കുന്നത്.
കാല്‍നടയാത്രക്കാര്‍ ഭയത്തോടെയാണ് ഇതു വഴി സഞ്ചരിക്കുന്നത്. അപകടങ്ങള്‍ കുറയ്ക്കുന്നതിനുവേണ്ട നടപടികള്‍ അധികൃതര്‍ സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു.
"യെസ് വാർത്ത''യിൽ
വാർത്തകൾ കൊടുക്കുന്നതിനും,
പരസ്യങ്ങൾ ചെയ്യുന്നതിനുമായും ,
വാർത്താ സംബന്ധമായ കാര്യങ്ങൾക്കും
വിളിക്കുക.
70 12 23 03 34
.jpeg)
.jpeg)
0 Comments