കടനാട്ടിൽ ഭാര്യയും ഭർത്താവും മരിച്ച സംഭവം...... ഭാര്യയെ കഴുത്തു ഞെരിച്ചു കൊലപ്പെടുത്തിയ ശേഷം ഭർത്താവ് തൂങ്ങിമരിച്ചതാകുമെന്ന് പൊലീസിൻ്റെ പ്രാഥമിക നിഗമനം...... ഭാര്യയുടെ വെപ്പ് പല്ല് തെറിച്ചു പോയ നിലയിലാണ്....വൈകിട്ട് 4 മണിയോടെ പാലാ ഡിവൈ എസ്.പി. കെ. സദൻ്റെ നേതൃത്വത്തിൽ ഇൻക്വസ്റ്റ് നടപടികൾ ആരംഭിച്ചിട്ടുണ്ട്.... സയൻ്റിഫിക് വിദഗ്ധരും സ്ഥലത്തെത്തിയിട്ടുണ്ട്....

Yes Vartha Editor October 25, 2024

താനും ഭാര്യയും ടൂറ് പോവുകയാണെന്ന് ഒരു ബന്ധുവിനോടും തൂങ്ങി മരിക്കാൻ പോവുകയാണെന്ന് മറ്റൊരു ബന്ധുവിനോടും ഫോൺ വിളിച്ചു പറഞ്ഞ ശേഷമാണ് ഭർത്താവ് റോയി ഈ കടുംകൈ ചെയ്തതെന്നാണ് പൊലീസിനു ലഭിച്ച വിവരം.... ബന്ധുകൾ റോയിയുടെ അയൽ വാസികളെ വിവരം അറിയിക്കുകയും അവർ പാഞ്ഞെത്തി നോക്കിയ തോടെയാണ് നാടിനെ നടുക്കിയ വിവരം പുറം ലോകം അറിഞ്ഞത്.

സാമ്പത്തിക പ്രശ്നങ്ങളെ ചൊല്ലി ഇന്ന് 12 മണിയോടെ ഭാര്യയും ഭർത്താവും വഴക്കുണ്ടാക്കിയെന്നും പറയപ്പെടുന്നു... വഴക്ക് പതിവായിരുന്നൂവെന്നും സൂചനയുണ്ട്. കൂടുതൽ അന്വേഷണങ്ങൾ നടന്നു വരികയാണ്. ഇവരുടെ, മൂന്നാം ക്ലാസ്സ് വിദ്യാർത്ഥിയായ ഏക മകൻ സ്കൂളിൽ പോയിരുന്നു.

കടനാട് കണക്കൊമ്പിൽ റോയി (60)ഭാര്യ ജാൻസി (55) എന്നിവരാണ് മരിച്ചത്. റോയിയെ തൂങ്ങി മരിച്ച നിലയിലാണ് കാണപ്പെട്ടത്...

മീനച്ചിൽ കാരിക്കൊമ്പിൽ കുടുംബാഗമാണ് ജാൻസി.

റോയിയെ വിട്ടിൽ തൂങ്ങി മരിച്ച നിലയിലും ജാൻസി യെ വീടിനുള്ളിൽ നിലത്ത് കമഴ്ന്നു മരിച്ച നിലയിലുമാണ് കണ്ടെത്തിയത്. ഭാര്യയെ കൊലപ്പെടുത്തിയ ശേഷം റോയി തൂങ്ങിമരിക്കുകയായിരുന്നു .