"പൂമാനമേ ഒരു രാഗമേഘം താ..... " താലി ചാർത്തിയ ഉടൻ വധു ആതിര പാടി... വരൻ ജോബി പ്രിയതമയുടെ പാട്ടിന് തബലയിൽ അകമ്പടി ചേർത്തു

സുനിൽ പാലാ

മാന്ത്രിക ശബ്ദത്തിൽ പാടി ആതിരയും തബലയിൽ വിസ്മയം തീർത്ത് ജോബിയും ഒന്നായി....
വിവാഹ വേഷത്തിൽ വധു -വരൻമാർ ഗാനമേളയിൽ പ്രത്യക്ഷപ്പെട്ടപ്പോൾ സദസ്സിനും  കൗതുകമായി.

ഇളങ്ങുളം സെന്റ് മേരീസ് പള്ളി പാരിഷ് ഹാളിലെ വിവാഹ സൽക്കാരവേദിയായിരുന്നു രംഗം .

വീഡിയോ ഇവിടെ കാണാം👇👇👇

 

ഭരണങ്ങാനം കൊടിത്തോട്ടത്തിൽ ജോബിയുടേയും കണമല കുരികിലക്കാട്ടിൽ  ആതിരയുടേയും വിവാഹ സൽക്കാര വേദിയായിരുന്നു രംഗം.

വിവാഹ സൽക്കാരത്തോടനുബന്ധിച്ച് എലിക്കുളം പഞ്ചായത്തിലെ ഭിന്നശേഷി - വയോജന ടീമിൻ്റെ  ഗാനമേളയും ഉണ്ടായിരുന്നു. ഈ ഗാനമേള വേദിയിലേക്കായിരുന്നു. പള്ളിയിലെ വിവാഹ കർമ്മങ്ങൾക്കു ശേഷം വധൂവരൻമാരുടെ കടന്നു വരവ്. 

ഒരു സ്വകാര്യ സ്കൂളിലെ അധ്യാപികയായ   ആതിര ഒരു ഗായികയും കൂടിയാണ്. ജോബിയാകട്ടെ തബല വാദകനും .
ഇരുവരും ജീവിതത്തിൽ ഒന്നായതോടെ പ്രസിദ്ധമായ ആ പഴയ ഗാനം ഒരിക്കൽ കൂടി മുഴങ്ങി; നിറക്കൂട്ടിലെ "പൂമാനമേ..ഒരു രാഗമേഘം താ..."

 

"യെസ് വാർത്ത'' യിൽ 

വാർത്തകൾ കൊടുക്കുന്നതിനും , 

പരസ്യങ്ങൾ ചെയ്യുന്നതിനുമായി 

വിളിക്കുക 

 70 12 23 03 34