നാളെ കൊടുമ്പിടിയിലേക്ക് വരൂ... ഓടുന്ന കുട്ടൻ പന്നിയുടെ കാലിൽ പിടിക്കുന്നവർക്ക് പണവും ട്രോഫിയും കിട്ടും.... തിരുവോണ നാളിൽ വ്യത്യസ്തമായ മത്സരത്തിനൊരുങ്ങി കൊടുമ്പിടി ഗ്രാമം

Yes Vartha Editor August 28, 2023

സുനിൽ പാലാ

ഓണാഘോഷത്തിന് ഹരം പകരാൻ ഇതാ ...വ്യത്യസ്തമായൊരു മത്സരം.....; ഓടുന്ന കുട്ടൻ പന്നിയുടെ കാലിൽ പിടുത്തം !! വിജയി കൾക്ക് ട്രോഫിയും കാഷ് അവാർഡും ഉണ്ട്.

കൊടുമ്പിടി സാസ്കാരിക വേദിയാണ് തിരുവോണ ദിനമായ നാളെ കൊടുമ്പിടി ടൗണിൽ അപൂർവമായ ഒരു മത്സരം സംഘടിപ്പിച്ചിരിക്കുന്നത്.

രാവിലെ 9 ന് കുട്ടികൾക്കും മുതിർന്നവർക്കുമായികലാ കായിക മത്സരങ്ങൾ. 12 ന് പായസ വിതരണം. വൈകുന്നേരം മാവേലി മന്നന്റെ അകമ്പടിയോടെ കരി വയൽ ഗ്രാമത്തിൽ നിന്നും കൊടുമ്പിടി ടൗണിലേക്ക്സാംസ്കാരിക ഘോഷയാത്ര. തുടർന്ന് പൊതു സമ്മേളനം, സമ്മാനദാനം, കലാപരിപാടികൾ . പൂക്കളം 2023 മെഗാസമ്മാന പദ്ധതി നറുക്കെടുപ്പ്. ഡാൻസ് ഗാനമേള.

10 വയസിൽ താഴെ മുതൽ 60 വയസിനു മുകളിൽ വരെയുള്ളവർക്കായി വിവിധ തലങ്ങളിലായി വടം വലി മത്സരവും ഏർപ്പെടുത്തിയിട്ടുണ്ട്. റമ്മി കളിയിൽ വിജയിക്ക് 10001 രൂപയാണ് സമ്മാനമായി നല്കുന്നത്.