നടനും രാഷ്ട്രീയനേതാവുമായി നിറഞ്ഞു നില്‍ക്കുകയാണ് സുരേഷ് ഗോപി. താരം എത്തുന്ന സ്ഥലത്തെല്ലാം ഫോട്ടോ എടുക്കാനും പ്രശ്‌നങ്ങള്‍ പറയാനുമെല്ലാം നിരവധി പേര്‍ എത്താറുണ്ട്. ഇപ്പോള്‍ സോഷ്യല്‍ മീഡിയയില്‍ ഹിറ്റാകുന്നത് സുരേഷ് ഗോപിയുടെ ഫോട്ടോ എടുക്കാന്‍ ആശുപത്രിയില്‍ നിന്ന് എത്തിയ കുട്ടി ആരാധകന്റെ വിഡിയോ ആണ്.
ഇളയമകനൊപ്പമുള്ള പുതിയ ചിത്രത്തിന്റെ ഷൂട്ടിങ് തിരക്കിലാണ് സുരേഷ് ഗോപി ഇപ്പോള്‍. ഷൂട്ടിങ് ലൊക്കേഷനില്‍ എത്തിയ താരത്തിനൊപ്പം ഫോട്ടോ എടുക്കാനായി നിരവധി പേര്‍ എത്തി.
കൂട്ടത്തില്‍ കയ്യില്‍ ബാന്‍ഡ്എയ്ഡുമായി ഒരു കുട്ടി എത്തിയത്. ചേച്ചിക്കൊപ്പമായിരുന്നു കുട്ടി ആരാധകന്റെ വരവ്. അങ്കിളേ ഒരു ഫോട്ടോ തരുമോ എന്ന ചോദ്യവുമായാണ് ചേച്ചിയും അനിയനും സുരേഷ് ഗോപിയെ സമീപിച്ചത്.കയ്യില്‍ മുറിവിന്റെ കെട്ടുമായി നില്‍ക്കുന്ന കുഞ്ഞിനെ കണ്ടപ്പോള്‍ സുരേഷ് ഗോപി ഒന്ന് അമ്പരന്നു. നടനെ കാണാനായി ആശുപത്രിയില്‍ നിന്നും ഓടി വന്നതാണ് കുഞ്ഞെന്ന് ഒപ്പമുള്ളവര്‍ സുരേഷ് ഗോപിയോട് പറയുകയും ചെയ്യുന്നുണ്ട്.
അതിനു പിന്നാലെ കുട്ടി ആരാധകനേയും ചേച്ചിയേയും ചേര്‍ത്തു പിടിച്ച് സുരേഷ് ഗോപി ഫോട്ടോയ്ക്ക് പോസ് ചെയ്യുകയായിരുന്നു. സോഷ്യല്‍ മീഡിയയില്‍ വൈറലാവുകയാണ് ചിത്രങ്ങള്‍.പ്രവീണ്‍ നാരായണന്‍ എഴുതി സംവിധാനം ചെയ്യുന്ന ചിത്രത്തിന്റെ ഷൂട്ടിങ് പുരോഗമിക്കുകയാണ്.
സുരേഷ് ഗോപിയുടെ ഇളയ മകന്‍ മാധവ് ചിത്രത്തിലൂടെ അരങ്ങേറ്റം കുറിക്കുകയാണ്. സുപ്രധാന കഥാപാത്രമായാണ് മാധവ് സുരേഷ് എത്തുക. അനുപമ പരമേശ്വരന്‍ ആണ് ചിത്രത്തിലെ നായിക. ഒരു ഇടവേളക്ക് ശേഷം സുരേഷ് ഗോപി വക്കീല്‍ വേഷത്തില്‍ എത്തുന്നു എന്ന പ്രത്യേകത ചിത്രത്തിനുണ്ട്. കോസ്‌മോസ് എന്റര്‍റ്റെയിന്‍മെന്റിന്റെ ബാനറിലാണ് നിര്‍മാണം.
.jpeg)
.jpeg)
0 Comments