രാമപുരം ഉപജില്ലാ സ്‌കൂള്‍ കലോത്സവത്തിന് മുന്നോടിയായി ഇന്നലെ നൂറുകണക്കിന് വിദ്യാര്‍ത്ഥികള്‍ രാമപുരം ടൗണിലൂടെ കലോത്സവ വിളംബര യാത്ര നടത്തി.
സെന്റ് അഗസ്റ്റിന്‍സ് ഹയര്‍സെക്കണ്ടറി സ്‌കൂള്‍ അങ്കണത്തില്‍ മാനേജര്‍ റവ. ഡോ. ജോര്‍ജ്ജ് വര്‍ഗീസ് ഞാറക്കുന്നേല്‍ വിളംബര യാത്ര ഫ്‌ളാഗ് ഓഫ് ചെയ്തു. തുടര്‍ന്ന് ചേര്‍ന്ന സമ്മേളനം രാമപുരം പഞ്ചായത്ത് പ്രസിഡന്റ് ഷൈനി സന്തോഷ് ഉദ്ഘാടനം ചെയ്തു.
രാമപുരം എ.ഇ.ഒ. കെ.കെ. ജോസഫ്, രാമപുരം പഞ്ചായത്ത് വൈസ് പ്രസിഡന്റ് സണ്ണി അഗസ്റ്റിന്‍ പൊരുന്നക്കോട്ട്, പഞ്ചായത്ത് മെമ്പര്‍ മനോജ് സി. ചീങ്കല്ലേല്‍, ഹെഡ്മാസ്റ്റര്‍ സാബു തോമസ്, പ്രിന്‍സിപ്പല്‍ ഇന്‍-ചാര്‍ജ്ജ് സിസ്റ്റര്‍ സാലി ജേക്കബ്, പി.ടി.എ. പ്രസിഡന്റ് സിബി മണ്ണാപറമ്പില്‍, ഫാ. ബോബി കരോട്ടുകിഴക്കേല്‍ തുടങ്ങിയവര്‍ പ്രസംഗിച്ചു.
എന്‍.സി.സി. കേഡറ്റുകള്‍, റെഡ് ക്രോസ് വോളണ്ടിയേഴ്‌സ് തുടങ്ങിയവരും വിളംബര റാലിയില്‍ അണിചേര്‍ന്നു. നവംബര്‍ 14 മുതല്‍ 16 വരെ തീയതികളില്‍ സെന്റ് അഗസ്റ്റിന്‍സ് ഹയര്‍സെക്കണ്ടറി സ്‌കൂളിലാണ് ഉപജില്ലാ കലോത്സവം നടക്കുന്നത്.
0 Comments