മമ്മൂട്ടിയും ജ്യോതികയും പ്രധാന കഥാപാത്രങ്ങളായി എത്തുന്ന ചിത്രം കാതലിന്റെ ഷൂട്ടിങ് പുരോഗമിക്കുകയാണ്. അതിനിടെ ചിത്രത്തിന്റെ ലൊക്കേഷനിലേക്ക് ഒരു അപ്രതീക്ഷിത അതിഥി എത്തിയിരിക്കുകയാണ്. തമിഴ് സൂപ്പര്‍താരം സൂര്യയാണ് ജ്യോതികയ്‌ക്കൊപ്പം കാതല്‍ ലൊക്കേഷനില്‍ എത്തിയത്.ലൊക്കേഷനില്‍ എത്തിയ സൂര്യയെ കാത്ത് മമ്മൂട്ടിയും ജ്യോതികയുമുണ്ടായിരുന്നു.
മമ്മൂട്ടിക്കൊപ്പം ഇരുന്ന് ബിരിയാണി കഴിക്കുന്ന സൂര്യയുടെ ചിത്രങ്ങളും പുറത്തുവന്നു. സൂര്യയ്‌ക്കൊപ്പമുള്ള ചിത്രം മമ്മൂട്ടി സോഷ്യല്‍ മീഡിയയില്‍ പങ്കുവച്ചു. കാതലിന്റെ ലൊക്കേഷനില്‍ സൂര്യയുടെ ആതിഥേയന്‍ ആകാന്‍ കഴിഞ്ഞതില്‍ സന്തോഷമുണ്ട് എന്ന അടിക്കുറിപ്പിലാണ് ചിത്രം. സൂര്യയ്ക്കും ജ്യോതികയ്ക്കുമൊപ്പം നില്‍ക്കുന്ന ഫോട്ടോയാണ് മമ്മൂട്ടി പോസ്റ്റ് ചെയ്തത്.
സോഷ്യല്‍ മീഡിയയില്‍ വൈറലാവുകയാണ് ചിത്രങ്ങളും വിഡിയോയും. മലയാളത്തിന്റെ മെഗാ സ്റ്റാറിനൊപ്പം നടിപ്പിന്‍ നായകന്‍ എന്ന് കുറിച്ചു കൊണ്ടാണ് പലരും വീഡിയോ ഷെയര്‍ ചെയ്തിരിക്കുന്നത്. കാതലില്‍ ഗെസ്റ്റ് റോളില്‍ സൂര്യ എത്തുന്നുണ്ടോ എന്നാണ് പോസ്റ്റുകള്‍ക്ക് താഴെ വരുന്ന കമന്റുകള്‍.ജിയോ ബേബിയാണ് കാതല്‍ സംവിധാനം ചെയ്യുന്നത്. ചിത്രം പ്രഖ്യാപിച്ചതിനു പിന്നാലെ ആശംസകളുമായി സൂര്യ രംഗത്തെത്തിയിരുന്നു.
മമ്മൂട്ടിക്കൊപ്പം നായികയായി ജ്യോതിക എത്തുന്ന ആദ്യ ചിത്രം കൂടിയാണിത്. റോഷാക്കിനു ശേഷം മമ്മൂട്ടി കമ്പനിയുടെ ബാനറില്‍ മമ്മൂട്ടി നിര്‍മ്മിക്കുന്ന ചിത്രം എന്ന പ്രത്യേകതയും ഈ ചിത്രത്തിന് ഉണ്ട്.
.jpeg)
.jpeg)
0 Comments