കോട്ടയം കെ. എസ്. ആർ. ടി. സി. ബസ് സ്റ്റാൻഡിൽ പോക്കറ്റടി ശ്രമം : മധ്യവയസ്കൻ അറസ്റ്റിൽ.

യെസ് വാർത്താ ക്രൈം ബ്യൂറോ

 

 

 

 

കോട്ടയം കെ.എസ്.ആർ.ടി.സി ബസ്റ്റാൻഡിൽ യാത്രക്കാരന്റെ പേഴ്സ് മോഷ്ടിക്കാൻ ശ്രമിക്കുന്നതിനിടയിൽ ഒരാളെ പോലീസ് അറസ്റ്റ് ചെയ്തു.

ചങ്ങനാശ്ശേരി ഇത്തിത്താനം കരിങ്കണ്ടത്തിൽ വീട്ടിൽ അനീഷ് (49) എന്നയാളെയാണ് കോട്ടയം വെസ്റ്റ് പോലീസ് അറസ്റ്റ് ചെയ്തത്.

ഇയാൾ ഇന്നലെ രാത്രി കെ.എസ്.ആർ.ടി.സി ബസ്സ്റ്റാൻഡിൽ ബസ് കാത്തു നിൽക്കുകയായിരുന്ന ആലപ്പുഴ സ്വദേശിയായ ബാലകൃഷ്ണപിള്ളയുടെ പണമടങ്ങിയ പേഴ്സ് ആണ് മോഷ്ടിക്കാൻ ശ്രമിച്ചത്. 

പോക്കറ്റിൽ നിന്നും പേഴ്സ് മോഷ്ടിക്കുന്നതിനിടയിൽ ബാലകൃഷ്ണപിള്ള  ബഹളം വയ്ക്കുകയും, യാത്രക്കാർ    പോലീസിൽ വിവരമറിയിച്ചതിനെ തുടർന്ന്  വെസ്റ്റ് പോലീസ് സ്ഥലത്തെത്തി പ്രതിയെ അറസ്റ്റ് ചെയ്യുകയുമായിരുന്നു. 

 

അനീഷിന് കോട്ടയം വെസ്റ്റ്, ചങ്ങനാശ്ശേരി ചിങ്ങവനം തിരുവല്ല എന്നീ സ്റ്റേഷനുകളിൽ അടിപിടി,മോഷണം തുടങ്ങി നിരവധി കേസുകൾ നിലവിലുണ്ട്.

കോട്ടയം വെസ്റ്റ് സ്റ്റേഷൻ എസ്.എച്ച്.ഓ അനൂപ് കൃഷ്ണയുടെ നേതൃത്വത്തിലുള്ള പോലീസ് സംഘമാണ് ഇയാളെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

"യെസ് വാർത്ത'' യിൽ 

വാർത്തകൾ കൊടുക്കുന്നതിനും , 

പരസ്യങ്ങൾ ചെയ്യുന്നതിനുമായി 

വിളിക്കുക 

 70 12 23 03 34