ഇടവെട്ടിയില്‍ എം.ഡി.എം.എയും കഞ്ചാവുമായി യുവാവ് പിടിയില്‍. 8 ഗ്രാം എം.ഡി.എം.എയും, 20 ഗ്രാം ഉണക്ക കഞ്ചാവുമായാണ് യുവാവ് പിടിയിലായത്. തൊടുപുഴയ്ക്ക് സമീപം ഇടവെട്ടി മരുതുങ്കല്‍ ഷാല്‍ബിന്‍ ഷാജഹാന്‍ (22) ആണ് ഇന്നലെ രാത്രി അറസ്റ്റിലായത്.
രഹസ്യ വിവരത്തെ തുടര്‍ന്ന് തൊടുപുഴ എക്സൈസ് റേഞ്ച് ഇന്‍സ്പെക്ടറുടെ നേതൃത്വത്തില്‍ നടത്തിയ പരിശോധനയിലാണ് പ്രതി പിടിയിലായത്.
കഴിഞ്ഞ ഏതാനും നാളുകളായി തൊടുപുഴയിലും പരിസരങ്ങളിലും എം.ഡി.എം.എ ഉള്‍പ്പെടെയുള്ള ലഹരി വസ്തുക്കളുടെ വില്‍പ്പനയും ഉപയോഗവും വന്‍തോതില്‍ വര്‍ധിച്ചിരുന്നു.
ഇതിന്റെ ഭാഗമായി തൊടുപുഴ എക്സൈസ് അധികൃതര്‍ പരിശോധന ശക്തമാക്കിയിരുന്നു. ഇതിനിടെയാണ് ഷാല്‍ബിന്‍ ഷാജഹാന്റെ നേതൃത്വത്തില്‍ വന്‍ തോതില്‍ ലഹരി വില്‍പ്പന നടക്കുന്നതായി രഹസ്യവിവരം ലഭിച്ചത്.
ഇതിന്റെ ഭാഗമായി നടത്തിയ പരിശോധനയിലാണ് സ്വന്തം വീട്ടില്‍ നിന്ന് ഷാല്‍ബിനെ പിടികൂടിയത്. എക്സൈസ് ഇന്‍സ്പെക്ടര്‍ ദിലീപ് സി.പി, എക്സൈസ് പ്രിവന്റീവ് ഓഫീസര്‍മാരായ സാവിച്ചന്‍ മാത്യു, മന്‍സൂര്‍.ഒ.എച്ച്, ജയരാജ് കെ.പി, ദേവദാസ്. പി, വനിതാ സിവില്‍ എക്സൈസ് ഓഫീസര്‍ അപര്‍ണ ശശി, സിവില്‍ എക്സൈസ് ഓഫീസര്‍മാരായ അനൂപ്. പി.എസ്, ബാലു ബാബു, ദിലീപ് എ.കെ, സുബൈര്‍.എ.ഐ, എക്സൈസ് ഡ്രൈവര്‍ അനീഷ് ജോണ്‍ എന്നിവരുടെ നേതൃത്വത്തിലായിരുന്നു പരിശോധന.
.jpeg)
.jpeg)
0 Comments