സ്വര്‍ണക്കടകളില്‍ വ്യാപകമായി മോഷണം നടത്തി വന്ന യുവതികള്‍ കൊയിലാണ്ടിയില്‍ പിടിയില്‍. ആന്ധ്രാ സ്വദേശികളായ സഹോദരിമാര്‍ കനിമൊഴി (38), ആനന്ദി (40) എന്നിവരാണ് പിടിയിലായത്.
കണ്ണൂരിലെ ഒരു ജ്വല്ലറിയില്‍ കഴിഞ്ഞ ദിവസം മോഷണം നടത്തി കടന്നു കളഞ്ഞ ഇരുവരേയുംമറ്റൊരു മോഷണ ശ്രമത്തിനിടെയാണ് കൊയിലാണ്ടിയില്‍ വച്ച് പിടികൂടിയത്. ഇരുവരേയും തളിപ്പറമ്പ് പൊലീസിന് കൈമാറി.
കൊയിലാണ്ടിയിലെ സന്തോഷ് ജ്വല്ലറിയില്‍ സ്വര്‍ണം വാങ്ങാനെന്ന വ്യാജേന എത്തിയായിരുന്നു മോഷണ ശ്രമം. കണ്ണൂര്‍ തളിപ്പറമ്പിലെ ജ്വല്ലറിയില്‍ മോഷണം നടത്തുന്ന വീഡിയോ സംസ്ഥാന വ്യാപകമായി ജ്വല്ലറി ഗ്രൂപ്പുകളില്‍ ഷെയര്‍ ചെയ്തിരുന്നു.
ഇവരെ തിരിച്ചറിഞ്ഞ ജ്വല്ലറി ഉടമ യുവതികളെ കടയില്‍ തടഞ്ഞു വച്ചു.തുടര്‍ന്ന് പൊലീസിനെ വിവരമറിയിച്ചതോടെ പിങ്ക് പൊലീസെത്തി കസ്റ്റഡിയിലെടുത്തു. രാത്രി കാലങ്ങളില്‍ ലോറികളില്‍ സഞ്ചരിച്ചാണ് ഇവര്‍ സ്ഥലങ്ങള്‍ മനസിലാക്കുന്നത്. ഇവര്‍ക്ക് പിന്നില്‍ ഏജന്റുമാര്‍ ഉണ്ടെന്നും പൊലീസ് വ്യക്തമാക്കി.
"യെസ് വാർത്ത'' യിൽ
വാർത്തകൾ കൊടുക്കുന്നതിനും ,
പരസ്യങ്ങൾ ചെയ്യുന്നതിനുമായി
വിളിക്കുക
70 12 23 03 34
0 Comments