സവാരിക്കിടെ, ഡ്രൈവര്‍ അപമര്യാദയായി പെരുമാറിയതിനെ തുടര്‍ന്ന് ഓട്ടോറിക്ഷയില്‍ നിന്ന് പെണ്‍കുട്ടി പുറത്തേയ്ക്ക് ചാടി. പരിക്കേറ്റ പെണ്‍കുട്ടിയെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
വെള്ളറട പനച്ചമൂട് സ്വദേശി ഓട്ടോ ഡ്രൈവര്‍ അശോകനെ (42) കാഞ്ഞിരംകുളം പൊലീസ് കസ്റ്റഡിയില്‍ എടുത്തു.
പുല്ലുവിള സ്വദേശിയായ ഇരുപതികാരിയെ ആണ് ആശുപത്രിയില്‍ പ്രവേശിപ്പിച്ചത്.ഇന്നലെ രാവിലെ പത്തരയോടെ, പുല്ലുവിളയ്ക്കു സമീപം പള്ളം പെട്രോള്‍ പമ്പിനു സമീപത്തായിരുന്നു സംഭവം.സവാരി പോയി മടങ്ങുന്ന വഴിയ്ക്കാണ് ഓട്ടോ ഡ്രൈവര്‍, പുല്ലുവിളയില്‍ നിന്ന് പൂവാര്‍ പോകാനായി നിന്ന പെണ്‍കുട്ടിയെ ഓട്ടോറിക്ഷയില്‍ കയറ്റിയത്.
സവാരിക്കിടെ അപമര്യാദയായി പെരുമാറിയതിനെ തുടര്‍ന്നാണ് ഇരുപതുകാരി പുറത്തേയ്ക്ക് എടുത്തു ചാടിയത്.സംഭവം ശ്രദ്ധയില്‍പെട്ട നാട്ടുകാര്‍ ഡ്രൈവറെ തടഞ്ഞു വച്ചു പൊലീസില്‍ ഏല്‍പിക്കുകയും പെണ്‍കുട്ടിയെ ആശുപത്രിയില്‍ എത്തിക്കുകയും ചെയ്തു. നെയ്യാറ്റിന്‍കര ജനറല്‍ ആശുപത്രിയില്‍ ചികിത്സ തേടിയ, പെണ്‍കുട്ടിയെ പിന്നീട് മെഡിക്കല്‍ കോളജിലേക്കു മാറ്റുകയായിരുന്നു.
"യെസ് വാർത്ത'' യിൽ
വാർത്തകൾ കൊടുക്കുന്നതിനും ,
പരസ്യങ്ങൾ ചെയ്യുന്നതിനുമായി
വിളിക്കുക
70 12 23 03 34
.jpeg)
.jpeg)
0 Comments