അരുവിത്തുറ വോളിയ്ക്ക് നവംബര്‍ 7 തിങ്കളാഴ്ച തുടക്കമാകും. അരുവിത്തുറ സെന്റ് ജോര്‍ജ് കോളേജ് ഇന്‍ഡോര്‍ സ്റ്റേഡിയത്തിലാണ് മത്സരങ്ങള്‍ നടക്കുന്നത്.
ടൂര്‍ണമെന്റിന്റെ ഉദ്ഘാടനം സംസ്ഥാന ജലവിഭവ വകുപ്പ് മന്ത്രി റോഷി അഗസ്റ്റിന്‍ നിര്‍വഹിക്കും.
ടൂര്‍ണമെന്റ് നടത്തിപ്പിനായുള്ള സ്വാഗത സംഘം രൂപീകരിച്ചു.
കോളേജ് മാനേജര്‍ വെരി റവ.ഡോ അഗസ്റ്റ്യന്‍ പാലക്കാപറമ്പില്‍ കോളേജ് പ്രിന്‍സിപ്പാള്‍ പ്രൊഫ: ഡോ സിബി ജോസഫ് കോളേജ് ബര്‍സാറും കോഴ്സ്സ് കോര്‍ഡിനേറ്ററുമായ ഫാ ജോര്‍ജ് പുല്ലുകാലായില്‍ വൈസ് പ്രിന്‍സിപ്പാള്‍ ഡോ ജിലു ആനി ജോണ്‍ എന്നിവര്‍ രക്ഷാധികാരിയായി രൂപികരിച്ച സ്വാഗത സംഘത്തില്‍ കോളേജ് കായിക വിഭാഗം മേധാവി ഡോ വിയാനി ചാര്‍ളി,ടൂര്‍ണമെന്റ് ജനറല്‍ കണ്‍വീനര്‍ ഡോ ബേബി സെബാസ്റ്റ്യന്‍, കായിക വിഭാഗം അദ്ധ്യാപകന്‍ ജോബി ജോസഫ് എന്നിവരുടെ നേതൃത്വത്തില്‍ ആറ് കമ്മറ്റികളിലായി 50 അംഗങ്ങളുണ്ട്.
കേരളത്തിലെ പ്രമുഖ കോളേജ് ടീമുകളായ സെന്റ് തോമസ് കോളേജ് കോലഞ്ചേരി, ബിപിസി കോളേജ് പിറവം, സി എം എസ്സ് കോളേജ് കോട്ടയം, സെന്റ് പീറ്റേഴ്സ്സ് കോളേജ് കോലഞ്ചേരി, സെന്റ് സ്റ്റീഫന്‍സ് കോളേജ് പത്തനാപുരം, ക്രൈസ്റ്റ് കോളേജ് ഇരിങ്ങാലക്കുട, എസ്.എച്ച് കോളേജ് തേവര, സെന്റ് തോമസ് കോളേജ് പാലാ, സെന്റ് ജോര്‍ജ്ജ് കോളേജ് അരുവിത്തുറ എന്നി ടീമുകള്‍ പുരഷ വിഭാഗം ടൂര്‍ണമെന്റലും സെന്റ് പീറ്റേഴ്‌സ് കോളേജ് പത്തനാപുരം, അസംപ്ഷന്‍ കോളേജ് ചങ്ങനാശ്ശേരി സെന്റ് സേവ്യേഴ്സ്സ് കോളേജ് ആലുവാ അല്‍ഫോന്‍സാ കോളേജ് പാല എന്നീ ടീമുകള്‍ വനിതാ വിഭാഗത്തിലും മാറ്റുരക്കും.
ടൂര്‍ണമെന്റിലെ വിജയികള്‍ക്ക് മാണി സി. കാപ്പന്‍ എം എല്‍ എ സമ്മാനങ്ങള്‍ വിതരണം ചെയ്യും.
.jpeg)
.jpeg)
0 Comments